ប៉ូលិសវាយបំបែកហ្វូងបាតុករដែលប្រឆំាងនឹងការរឹបអូសដីធ្លី
នៅថ្ងៃអង្គារ ទី២៤ មេសានេះ កម្លំាងប៉ូលិសក្នុងទីក្រុងហាណូយបានចេញប្រតិបត្តិការវាយបំបែកហ្វូងបាតុកររាប់រយនាក់ ដោយប្រើកំាភ្លើងបាញ់រះទៅលើមេឃ។ ហ្វូងបាតុករទំាងនោះសុទ្ធសឹងជាប្រជាកសិករដែលបាននំាគ្នាធ្វើបាតុកម្មប្រឆំាងនឹងការរឹបអូសដីធ្លីរបស់ពួកគេពីសំណាក់រដ្ឋាភិបាល។ គួរបញ្ជាក់ជូនថា សំណុំរឿងដីធ្លីនៅក្បែរទីក្រុងហាណូយក្នុងទំហំជាង ៧២ហិចតាមានជាប់ពាក់ព័ន្ធនឹងប្រជាកសិករប្រមាណជា ១៦៦គ្រួសារ និងដែលជម្លោះនេះបានអូសបន្លាយជាច្រើនឆ្នំាមកហើយ។
ចុះផ្សាយនៅថ្ងៃ៖
ស្តាប់ - ០២:០៧
ក្រៅពីបានប្រើកំាភ្លើងបាញ់រះទៅលើមេឃ កងកម្លំាងប៉ូលិស និងទាហានរាប់រយនាក់ដែលបំពាក់ទៅដោយអាវុធគ្រប់ដៃ ក៏បានប្រើគ្រាប់បែកផ្សែងបាញ់បង្ហូរទឹកភ្នែកទៅលើហ្វូងបាតុករប្រមាណជា ៧០០នាក់។ ក្រុមបាតុករជាប្រជាកសិករទំាងនោះបានក្រាញននៀលមិនព្រមចាកចេញពីដីស្រែរបស់ខ្លួនដើម្បីប្រគល់ដីទៅឲ្យរដ្ឋអំណាចក្នុងការកសាងទីក្រុងថ្មីទេ។ សាក្សីម្នាក់ដែលជាសកម្មជនប្រឆំាងនឹងអំពើពុករលួយបានឲ្យដឹងថា ក្រុមបាតុករបានគប់ដុំថ្មទៅលើកម្លំាងប៉ូលិស និងទាហាន និងមានបាតុករពី ៧ ទៅ ១០នាក់ត្រូវបានចាប់ខ្លួន។ យោងតាមសាក្សីមួយចំនួនទៀតឲ្យដឹងថា ក្រុមប្រជាកសិករបានប្រមូលផ្តុំគ្នាតំាងតែពីយប់ថ្ងៃច័ន្ទមកម្ល៉េះ។ ចំណែកផ្លូវនំាទៅកាន់តំបន់មានជម្លោះក៏ត្រូវបានរដ្ឋអំណាចបិទខ្ទប់ដែរ។
« ពួកគេបានប្លន់យកដីធ្លីរបស់យើង » នេះជាសម្រែករបស់ស្រ្តីបាតុករម្នាក់អាយុ ៥១ឆ្នំាដែលមិនហ៊ានបញ្ចេញឈ្មោះ។ « ខ្ញុំមិនដែលមានកំហឹងដូចពេលនេះទេ។ ខ្ញុំបានចំណាយពេលយ៉ាងច្រើនដើម្បីការពារផលប្រយោជន៍របស់ប្រជាកសិករ តែពេលនេះ ខ្ញុំមានការចុកចាប់ខ្លំាងណាស់ ដោយឃើញព្រឹត្តិការណ៍របៀបនេះ » នេះជាការអះអាងរបស់ស្រ្តីម្នាក់អាយុ ៨០ឆ្នំា។
គួរបញ្ជាក់ជូនថា ក្នុងនាមជាប្រទេសកុម្មុយនិស្តមួយដែលដីស្រែចម្ការជាកម្មសិទ្ធិរបស់រដ្ឋ ជម្លោះដីធ្លីនៅក្នុងប្រទេសវៀតណាមបានកើតមានឡើងញឹកញាប់ណាស់ក្នុងរយៈពេលប៉ុន្មានឆ្នំាចុងក្រោយនេះ។ ដោយឡែក ទាក់ទងនឹងដីធ្លីកំពុងមានជម្លោះបច្ចុប្បន្នក្នុងទំហំជាង ៧០ហិចតា ពាក់ព័ន្ធនឹងប្រជាកសិករប្រមាណជា ១៦៦គ្រួសារត្រូវបានរដ្ឋាភិបាលអះអាងថា បានប្រគល់លុយត្រឹមត្រូវ ជាថ្នូរនឹងការរឹបអូសដីស្រែចម្ការរបស់ពួកគេ។
សូមរម្លឹកជូនថា ទីក្រុងថ្មីស្ថិតប៉ែកខាងត្បូងទីក្រុងហាណូយមានឈ្មោះ « EcoPark » ត្រូវបានរដ្ឋាភិបាលប្រគល់ទៅឲ្យក្រុមហ៊ុនឯកជនឈ្មោះ Viet Hung Co.Ltd សាងសង់ក្នុងផ្ទៃដីទំហំ ៥០០ហិចតា និងមានទឹកប្រាក់វិនិយោគប្រមាណជា ២៥០លានដុល្លារ។ គឺតំាងពីឆ្នំា ២០០៤មកម្ល៉េះដែលក្រុមហ៊ុន Viet Hung បានព្យាយាមពន្លឿនការសាងសង់ តែត្រូវបានព្យួរចោលមួយរយៈ ក្រោយពីមានក្បួនបាតុកម្មតវ៉ាពីសំណាក់ប្រជាកសិករក្នុងឆ្នំា ២០០៦៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ