“កង្វះរូបភាព”នឹងប្រាប់ពិភពលោកថាកម្ពុជាអាចផលិតភាពយន្តល្អបាន
ចុះផ្សាយនៅថ្ងៃ៖
ស្តាប់ - ០៨:២៩
“កង្វះរូបភាព”ជាភាពយន្តកម្ពុជាលើកដំបូងដែលបានឈានទៅដល់វគ្គផ្តាច់ព្រ័ត្រក្នុងការទទួល បានពាន់រង្វាន់អូស្ការ នៅសហរដ្ឋអាមេរិក។ “កង្វះរូបភាព ជាស្នាដៃដឹកនាំ និងផលិតដោយសមិទ្ធិករប៉ាន់ រិទ្ធី ហើយវាជាខ្សែភាពយន្ត រៀបរាប់ពីជីវិត និងអនុស្សាវរីយ៍វ័យកុមាររបស់ លោកផ្ទាល់ ក៏ដូចជាប្រជាពលរដ្ឋកម្ពុជាទូទៅ ដែលបានឆ្លងកាត់ របបកម្ពុជាប្រជាធិបតេយ្យពីឆ្នាំ១៩៧៥ដល់ឆ្នាំ១៩៧៩។ “កង្វះរូបភាព” ជាភាពយន្តឯកសារ ដែលគេឆ្លាក់ដីឥដ្ឋធ្វើជាតួសម្តែង។ មុនចេញទៅចូលរួមពិធីប្រគល់ ទទួលពានរង្វាន់ អូស្ការនៅថ្ងៃទី៣ ខែមីនាខាងមុខនេះលោក ប៉ាន់ រិទ្ធី ផលិតករភាពយន្តនេះបានចាត់ទុកថានេះជាកិត្តិយសខ្មែរទាំងអស់គ្នាដែលមានភាពយន្តមួយ ដែលអាចឈានទៅដល់ការទទួលបានពាន់រង្វាន់អូស្ការ។