បទយកការណ៍
យុវជនម្នាក់ប៉ងធ្វើចៅក្រម ដោយសារគ្រួសារជួបប្រទះរឿងអយុត្តិធម៌ក្នុងជម្លោះដីធ្លី
ចុះផ្សាយនៅថ្ងៃ៖
ស្តាប់ - ០៨:៣១
ក្នុងវ័យ២៣ ឆ្នាំ សាន សុធាន គឺជាយុវជនម្នាក់ក្នុងចំណោមយុវជនជាច្រើនទៀតដែលរស់នៅក្នុងស្ថានភាពគ្រួសារមួយយ៉ាងត្រដាបត្រដួស។ ត្រដាបត្រដួសព្រោះតែឪពុករបស់ខ្លួនដែលជាយោធិនពិការត្រូវជាប់ពន្ធនាគារ ដោយសារបញ្ហាជម្លោះដីធ្លី។ រីឯម្តាយត្រូវឃ្លាតឆ្ងាយពីផ្ទះដើម្បីទៅធ្វើការយកប្រាក់មកចិញ្ចឹមកូន។ ស្ថានភាពបែបនេះ គួបផ្សំនឹងការមើលឃើញនូវអំពើអយុត្តិធម៌នៅក្នុងសង្គមនៅតែកើតមាននោះ បានជំរុញចិត្តឲ្យយុវជនសាន សុធាន ចង់ក្លាយខ្លួនជាចៅក្រមនៅពេលអនាគត។ សម្រាប់រូបគេមានតែចៅក្រមទេដែលអាចកម្ទេចរឿងអយុត្តិធម៌ទាំងឡាយនៅក្នុងសង្គមបាន។