ការជជែកគ្នារឿងប្រាក់ឈ្នួលអប្បបរមាកាន់តែផុលផុសមុននឹងមានការសម្រេចចុងក្រោយនៅខែតុលាខាងមុខ
ចុះផ្សាយនៅថ្ងៃ៖
ស្តាប់ - ០៩:៣១
នៅខែតុលាខាងមុខការចរចារប្រាក់ឈ្នួលអប្បបរមាសម្រាប់វិស័យឧស្សាហកម្មវាយនភ័ណ្ឌនៅក្នុងប្រទេសកម្ពុជានឹងត្រូវកំណត់ឲ្យចេញជារូបរាងផ្លូវការ។ ក៏ប៉ុន្តែមុននឹងឈានទៅដល់ការសម្រេចចុងក្រោយ ដែលនោះគឺជាការកំណត់ជោគវាសនាសេដ្ឋកិច្ចប្រចាំខែរបស់កម្មករកាត់ដេរកម្ពុជា ការសម្របសម្រួលទ្វេរភាគីជាច្រើនលើករវាងសហជីព និងសមាគមនិយោជកត្រូវបានគេរៀបចំឡើងជាច្រើនលើក។ក៏ប៉ុន្តែភាគីទាំងពីរនៅតែមិនទាន់ឈានដល់ចំណុចកណ្តាលណាមួយនៅឡើយ ដោយសហជីពកម្មករទាមទារ ប្រាក់ឈ្នួលអប្បបរមា ១៧៧ដុល្លារក្នុងមួយខែ រីឯភាគីនិយោជកវិញហ៊ានបន្ថែមត្រឹម ១០ ដុល្លារ ឬ១៥ដុល្លារ បន្ថែមពីលើប្រាក់ឈ្នួលបច្ចុប្បន្ន១០០ដុល្លារក្នុងមួយខែ។