លោក ឆាយ បូរ៉ា៖ ៦ខែកន្លងទៅនេះ បរិមាណកុនខ្មែរមានការកើនឡើង ប៉ុន្តែមួយភាគធំ គឺមានគុណភាពទាបមែនទែន!
ចុះផ្សាយនៅថ្ងៃ៖
ស្តាប់ - ១២:២៤
ភ្ញៀវប្រចាំថ្ងៃរបស់វិទ្យុបារាំង RFI នៅយប់នេះ គឺ លោក ឆាយ បូរ៉ា ដែលជាផលិតករភាពយន្តខ្មែរដ៏មានស្នាដៃ និងទេពកោសល្យម្នាក់។ ដូចលោកអ្នកស្តាប់ជ្រាបស្រាប់ហើយថា គិតមកទល់នៅពេលនេះ គឺកន្លះឆ្នាំហើយដែលរដ្ឋាភិបាលកម្ពុជា បានដាក់បញ្ជាឲ្យស្ថានីយទូរទស្សន៍ទាំងអស់ ចាក់ផ្សាយភាពយន្តខ្មែរ នៅក្នុងម៉ោងមាស។ ជាមួយគ្នានេះ លោក ឆាយ បូរ៉ា សង្កេតឃើញថា រយៈពេល៦ខែកន្លងទៅនេះ ចំនួនបរិមាណកុនខ្មែរមានការកើនឡើង ប៉ុន្តែមួយភាគធំ គឺមានគុណភាពទាបមែនទែន។ ដូច្នេះ ក្រៅពីការពន្យល់ណែនាំចំណុចមួយចំនួនដែលអាចជំរុញឲ្យកុនខ្មែររីកចម្រើន លោកសមិទ្ធិករភាពយន្តរូបនេះ ក៏ទទូចឲ្យមានការបង្កើតសាលាភាពយន្តផងដែរ៕