បេក្ខជនជាងបីពាន់នាក់ចូលរួមប្រឡងក្របខ័ណ្ឌនាយទាហ៊ាន
ក្រសួងការពារជាតិនៅថ្ងៃអាទិត្យទី២០ធ្នូនេះបានរៀបចំការប្រឡងក្របខ័ណ្ឌនាយទាហ៊ាន ដែលមានបេក្ខជនចូលរួមប្រឡងជាងបីពាន់នាក់។ ចំនួននេះមានការកើនឡើងឆ្នាំមុន៤៣ភាគរយ។ ឆ្នាំមុនមានបេក្ខជនចូលរួមប្រឡងចំនួន១៨០០នាក់។ លោក ហ៊ុន ម៉ាណែត នាយរងសេនាធិការចំរុះមេបញ្ជាការរងកងទ័ពជើងគោកឲ្យដឹងថា ការប្រឡងនេះសម្រចជ្រើសរើសយកសិស្សតែចំនួន៦២០នាក់ប៉ុណ្ណោះសិក្សាទៅលើកម្មវិធីបណ្ដុះបណ្ដាលចំនួនបី។
ចុះផ្សាយនៅថ្ងៃ៖
ស្តាប់ - ០១:៤០
ការប្រឡងក្របខ័ណ្ឌនាយទាហ៊ានទ័ពជើងគោកជំនាន់ទី៨ វគ្គនាយទាហានសកម្មជំនាន់ទី២០ និងនាយទាហានបន្តវេនជំនាន់ទី៩ ដែលចាប់ផ្ដើមនៅព្រឹកថ្ងៃអាទិត្យទី២០ធ្នូ ធ្វើឡើងក្នុងមណ្ឌលចំនួនប្រាំនៅទូទាំងប្រទេសដែលរួម៖រាជធានីភ្នំពេញគឺស្ថិតក្នុងវិទ្យាល័យបាក់ទូក បន្ទាប់មកក្នុងខេត្តសៀមរាប ស្ទឹងត្រែង បាត់ដំបង និង កំពត ដែលមានបេក្ខជនចូលរួមប្រឡងចំនួន៣ពាន់៣រយ៤នាក់។ ក្នុងនោះមាននារី១ពាន់១រយ៦៥នាក់។ ចំនួនមានការកើនឡើងឆ្នាំមុន៤៣ភាគរយ។ សន្ទុះនៃការកើនឡើង លោក ហ៊ុន ម៉ាណែតថា ដោយសារតែការបើកយុទ្ធនាការផ្សព្វផ្សាយទ្រង់ទ្រាយធំនាពេលកន្លងមកជុំវិញអត្ថប្រយោជន៍នៃការរៀនក្នុងសាលានាយទាហ៊ាន។
មុនការប្រឡងចាប់ផ្ដើមសម្រាប់មណ្ឌលរាជធានីភ្នំពេញ លោក ហ៊ុន ម៉ាណែត នាយរងសេនាធិការចំរុះនៃមេបញ្ជាការរងកងទ័ពជើងគោកបានធ្វើសន្និសីទកាសែតថា ការប្រឡងនេះមានភាពសុក្រឹត្យពោលគឺអ្នកជាប់ដោយមោទនភាពនិងអ្នកធ្លាក់ដោយអស់ចិត្ត។ លោកបន្តថា ភាពសុក្រឹត្យនេះមិនមែនកើតមានក្នុងពេលប្រឡងនោះទេគឺកើតតាំងពីដំណាក់កាលនៃការដាក់ពាក្យនិងអំឡុងពេលកំណែផងដែរ។ លោកបានក៏អំពាវនាវឲ្យមហាជនចូលរួមរាយការណ៍ពីបាតុភាពមិនប្រក្រតីនានាទាក់ទងការប្រឡងនេះតាមរយៈ ទូរស័ព្ទ ហ្វេសប៊ុក និង អ៊ីម៉េល មកក្រុមការងាររបស់លោក។
បើតាមលោក ហ៊ុន ម៉ាណែត ក្នុងចំណោមបេក្ខជនជាងបីពាន់នាក់ដែលចូលរួមប្រឡង ក្របខ័ណ្ឌនាយទាហ៊ាននេះគណៈកម្មការរៀបចំការប្រឡងសម្រេចជ្រើសបេក្ខជនចំនួនតែ៦២០នាក់ប៉ុណ្ណោះ។ សិក្សាទៅលើកម្មវិធីបណ្ដុះបណ្ដាលចំនួនបីគឺ៖ទី១-កម្មវិធីនាយទាហ៊ានសកម្មជំនាន់ទី២០ចំនួន១២០នាក់ នាយទាហ៊ានទ័ពជើងគោកជំនាន់ទី៨ចំនួន២៥០នាក់ និង នាយទាហ៊ានបន្តវេនជំនាន់ទី៩មានចំនួន២៥០នាក់៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ