ព្រឹត្តិការណ៍កម្ពុជាប្រចាំថ្ងៃ
តំបន់អារ៉ែងនៅតែជាប្រធានបទក្តៅ ក្រោយពេលការបំភ្លឺរបស់ប្រមុខរដ្ឋាភិបាល
ចុះផ្សាយនៅថ្ងៃ៖
ស្តាប់ - ០៨:១២
និស្សិតមួយក្រុមដឹកនាំដោយសមាគមសម្ព័ន្ធនិស្សិតបញ្ញវ័ន្តខ្មែរ បានធ្វើដំណើរទៅកាន់ខេត្តកោះ កុង កាលពីថ្ងៃអាទិត្យម្សិលម៉ិញ ដើម្បីសិក្សាស្រាវជ្រាវពីតំបន់អារ៉ែង។ ក្រុមនិស្សិតជំនាញខាងអេកូទេសចរទាំងនោះ នឹងស្នាក់នៅក្នុងខេត្តកោះកុង រយៈពេល១០ថ្ងៃ ចាប់ពីថ្ងៃទី១៥ដល់ថ្ងៃទី២៥ខែកុម្ភៈដើម្បីសិក្សាស្រាវជ្រាវ។ ហើយបន្ទាប់ពីបញ្ចប់ការសិក្សាស្រាវជ្រាវនេះ ពួកគេនឹងចងក្រងជាឯកសារ ដើម្បីបង្ហាញដល់សាធារណៈជន និងស្ថាប័នពាក់ព័ន្ធទាំងអស់ថា ការអភិវឌ្ឍតំបន់អារ៉ែងឲ្យក្លាយជាតំបន់អេកូទេសចរណ៍ គឺប្រសើរជាងការកសាងជាទំនប់វារីអគ្គិសនី៕