ព្រឹត្តិការណ៍កម្ពុជាប្រចាំថ្ងៃ
ពីវប្បធម៌សន្ទនា ដល់ច្បាប់ការពារមេដឹកនាំ ទស្សនៈផុសឡើងច្រើន
ចុះផ្សាយនៅថ្ងៃ៖
ស្តាប់ - ១១:៥៩
នៅកម្ពុជា ការសន្ទនារវាងមេដឹកនាំគណបក្សកាន់អំណាច និងគណបក្សប្រឆាំង ជារឿងចម្លែក។ អ្នកខ្លះគិតថា វប្បធម៌សន្ទនារបស់លោក ហ៊ុន សែន និងលោក សម រង្ស៊ី ធ្វើឱ្យគណបក្សសង្គ្រោះជាតិ«បែកបាក់»។ អ្នកខ្លះទៀតយល់ថា នាយករដ្ឋមន្ត្រីខាងគណបក្សប្រជាជនកម្ពុជា សន្ទនាដើម្បីកុំឱ្យប្រធានគណបក្សសង្គ្រោះជាតិ«សងសឹក»វិញ ពេលឡើងដឹកនាំ។ ចេញពីរឿងនេះ អ្នកខ្លះជឿថា «ត្រូវធ្វើ»ច្បាប់ថ្មីសម្រាប់ការពារមន្ត្រីថ្នាក់កំពូលៗដែលអស់អំណាច។ ប៉ុន្តែ អ្នកនាំពាក្យឱ្យគណបក្សទាំងពីរអះអាងថា អ្នកទាំងនោះច្រឡំ។