តើ គ.ជ.ប គួរមាននីតិវិធីបែបណា ដើម្បីឲ្យខ្លួនអាចប្រកាសលទ្ធផលបោះឆ្នោតបឋម មុនភាគីដទៃ?
ចុះផ្សាយនៅថ្ងៃ៖
ស្តាប់
គណៈកម្មាធិការជាតិរៀបចំការបោះឆ្នោត ហៅកាត់ថា គ.ជ.ប ទើបតែបានប្រកាសលទ្ធផលបោះឆ្នោតជ្រើសរើសក្រុមប្រឹក្សាឃុំ-សង្កាត់ជាផ្លូវការ កាលពីថ្ងៃទី២៥មិថុនា បន្ទាប់ពីខ្លួនបានដោះស្រាយបណ្តឹងរួចរាល់។ ការប្រកាសនេះ គឺធ្វើឡើងទៅតាមកាលវិភាគដែលខ្លួនបានកំណត់។ ក៏ប៉ុន្តែអ្វីជាការកត់សំគាល់ លទ្ធផលផ្លូវការដែលប្រកាសដោយ គ.ជ.ប ពីម្សិលមិញ និងលទ្ធផលក្រៅផ្លូវការដែលប្រកាសដោយគណបក្សនយោបាយនៅក្រោយការបោះឆ្នោតភ្លាមៗនោះ មិនមានការខុសប្លែកគ្នាច្រើននោះទេ។ ការណ៍នេះ ត្រូវបានអ្នកតាមដានដំណើរការបោះឆ្នោតនៅកម្ពុជា បានរិះគន់ទៅលើតួនាទីរបស់ គ.ជ.ប ក្នុងការប្រកាសលទ្ធផលនេះថា គួរតែធ្វើឡើងឲ្យបានមុនគណបក្សនយោបាយ ឬ បណ្តាញផ្សព្វផ្សាយនានា។