ព្រឹត្តិការណ៍កម្ពុជាប្រចាំថ្ងៃ
បក្សប្រឆាំងថា ចំណាត់ការរឿងព្រំដែនកើតពីវប្បធម៌សន្ទនា តែបក្សកាន់អំណាចថា ជាកាតព្វកិច្ចរដ្ឋាភិបាល
ចុះផ្សាយនៅថ្ងៃ៖
ស្តាប់ - ០៨:៣១
លោកសម រង្ស៊ី ប្រធានគណបក្សសង្រ្គោះជាតិកាលពីម្សិលមិញ ពីខេត្តព្រះសីហនុ បានប្រកាសគាំទ្ររដ្ឋាភិបាលដែលដឹកនាំដោយគណបក្សប្រជាជនកម្ពុជា ចំពោះចំណាត់ការរឿងព្រំដែនជាមួយប្រទេសវៀតណាម។ វៀតណាមដែលបានជីកស្រះចូលក្នុងទឹកដីកម្ពុជា។ ឆ្លៀតថ្លែងគាំទ្រ ប្រមុខបក្សប្រឆាំង ក៏បានលើកឡើងថា ចំណាត់ការនេះ គឺកើតចេញពីវប្បធម៌សន្ទនា។ ប៉ុន្តែអ្នកនាំពាក្យគណបក្សកាន់អំណាចបានហៅការលើកឡើងនេះថា ជាការកេងចំណេញពីវប្បធម៌សន្ទនា ហើយថា វាគឺជាកាតព្វកិច្ចរបស់រដ្ឋាភិបាលក្នុងការការពារដែនអធិបតេយ្យភាពរបស់ខ្លួន។