លោកពេជ្រ សុវណ្ណ៖ គ្មានពលរដ្ឋឲ្យជួលដីទេ គឺមានតែជួលកម្លាំងពលកម្មវៀតណាមមកធ្វើលើដីខ្មែរ
ចុះផ្សាយនៅថ្ងៃ៖
ស្តាប់ - ០៨:៥៧
តាំងពីម្សិលមិញមក រដ្ឋបាលខេត្តស្វាយរៀង បានបង្កើតគណៈកម្មការមួយ ដើម្បីចុះទៅត្រួតពិនិត្យដោយផ្ទាល់អំពីការជួលដីឲ្យជនជាតិវៀតណាមពីសំណាក់ពលរដ្ឋខ្មែរនៅក្នុងសង្កាត់ប្រាសាទ ក្រុងបាវិត ឃុំទួលស្តី និងឃុំចន្ត្រា ក្នុងស្រុកចន្ទ្រា។ តំបន់ទាំងនេះ ត្រូវបានក្រុមតំណាងរាស្រ្តគណបក្សសង្រ្គោះជាតិលើកឡើងថា នៅតែបន្តមានជួលដីឲ្យជនជាតិវៀតណាម ហើយតំបន់ទាំងបីនេះ ទើបតែបញ្ចប់ការត្រួតពិនិត្យទាំងស្រុងនៅរសៀលថ្ងៃសុក្រនេះ។ ដូច្នេះសម្រាប់រាត្រីនេះ លោកពេជ្រ សុវណ្ណ អភិបាលរងខេត្តស្វាយរៀង ដែលជាអ្នកដឹកនាំគណៈកម្មការនេះ គឺជាភ្ញៀវប្រចាំថ្ងៃរបស់យើង។ លោកពេជ្រ សុវណ្ណ បានបញ្ជាក់ថា បន្ទាប់ពីចុះត្រួតពិនិត្យពីរថ្ងៃមក គណៈកម្មការរកមិនឃើញថា មានពលរដ្ឋណាម្នាក់ជួលដីឲ្យទៅជនជាតិវៀតណាមនោះទេ គឺមានតែជួលកម្លាំងពលកម្មវៀតណាមប៉ុណ្ណោះ។ សូមស្ដាប់បទសម្ភាសន៍រវាងវណ្ណ សុគន្ធា និងលោកពេជ្រ សុវណ្ណ