ប្រជាជនខ្មែរនិងវិបត្តិគ្មានមធ្យោបាយធ្វើដំណើរ ដោយសារតែកូដកម្ម នៅប៉ារីស
ចុះផ្សាយនៅថ្ងៃ៖
ស្តាប់ - ០៩:៤៥
គិតមកដល់ថ្ងៃសុក្រនេះ មានរយៈពេល២៣ថ្ងៃគត់ ដែលទីក្រុងប៉ារីស ប្រទេសបារាំង ជាប់គាំង ដោយវិបត្តិគ្មានមធ្យោបាយធ្វើដំណើរ ដោយសារកូដកម្មរបស់បុគ្គលិកក្រុមហ៊ុនដឹកជញ្ជូនបារាំង RATP និង SNCF ដែលបានផ្ទុះកំហឹងតវ៉ា ប្រឆាំងនឹងកំណែទម្រង់ច្បាប់ចូលនិវត្តន៍។ ដូចជាប្រជាជនបារាំងរាប់លាននាក់ ដែលកំពុងជួបការលំបាក ដោយសារ គ្មានមធ្យោបាយធ្វើដំណើរទៅកន្លែងធ្វើការ ប្រជាជនខ្មែររស់នៅ ក្នុង និងក្រៅក្រុងប៉ារីស មិនថា និស្សិត ឬបុគ្គលិកបម្រើការឲ្យក្រុមហ៊ុនបារាំងទេ បានត្អូញត្អែរ ពីចរាចរណ៍ កកស្ទះ ខ្លាំង នៅតាមផ្លូវ ពី ការគ្មានឡានក្រុង សម្រាប់ធ្វើដំណើរ ឬការដណ្តើមសម្រុកប្រជ្រៀតគ្នា ដើម្បីឡើងជិះរថភ្លើងក្រោមដី ដែលមានដោយកម្រ ដោយសារតែកូដកម្មមិនធ្វើការរបស់អ្នកបើក បុគ្គលិករបស់ក្រុមហ៊ុនដឹកជញ្ជូន។
