លោក ខេន លូ៖ «សូម្បីប្រាក់ឈ្នួលអប្បបរមា៤០%ក៏រោងចក្រមិនមានលទ្ធភាពបង់ដែរ»
ចុះផ្សាយនៅថ្ងៃ៖
ស្តាប់ - ១០:០១
វិស័យកាត់ដេរកម្ពុជា ដែលជាជន្ទល់សេដ្ឋកិច្ចមួយក្នុងចំណោមវិស័យអត្ថិភាពរបស់ប្រទេសនេះមួយចំនួនទៀត កំពុងរងនូវផលប៉ះពាល់មិនល្អជាបន្តបន្ទាប់។ គឺបន្ទាប់ពីបញ្ហាវត្ថុធាតុដើមត្រូវបានដោះស្រាយ ពេលនេះឈានចូលដល់ដំណាក់កាលមួយទៀតគឺការផ្អាក និងការលុបចោលកិច្ចសន្យាបញ្ជាទិញពីទីផ្សារអឺរ៉ុប និងអាមេរិក ជាហេតុធ្វើឲ្យផ្អាកសង្វាក់ផលិតកម្ម ធ្វើឲ្យរោងចក្របាត់ចំណូល ហើយកម្មករក៏អត់ការងារធ្វើដែរ។ លោក ខេន លូ អគ្គលេខាធិការសមាគមរោងចក្រកាត់ដេរនៅកម្ពុជា(GMAC) ថ្លែងឲ្យដឹងថា សមាគមបានស្នើសុំឲ្យរដ្ឋាភិបាលជួយបន្ថែមទៀត ខណៈថៅកែរោងចក្រត្អូញត្អែរថាមិនមានលទ្ធភាពបើកប្រាក់ឈ្នួលឲ្យកម្មករ បើទោះណាជាត្រឹម៤០%ពេលរោងចក្រព្យួរក៏ដោយ។
