លោកប៉ាវ ស៊ីណា៖ ទោះក្នុងស្ថានភាពលំបាក តែសហជីពរំពឹងថាការចរចាប្រាក់ឈ្នួលនឹងមានផលវិជ្ជមានសម្រាប់កម្មករ
ចុះផ្សាយនៅថ្ងៃ៖
ស្តាប់ - ១០:៤៧
នៅព្រឹកថ្ងៃព្រហស្បតិ៍នេះ ក្រុមប្រឹក្សាជាតិប្រាក់ឈ្នួលអប្បបរមានៃក្រសួងការងារ និងបណ្តុះបណ្តាលវិជ្ជាជីវៈបានបើកកិច្ចប្រជុំលើកទី១ស្តីពីការដំឡើងប្រាក់ឈ្នួលកម្មករសម្រាប់ឆ្នាំ២០២១ខាងមុខ។ លោកប៉ាវ ស៊ីណា ប្រធានសម្ព័ន្ធសហជីពចលនាកម្មករកម្ពុជាដែលបានចូលរួមក្នុងកិច្ចប្រជុំបានលើកឡើងថា សហជីពនៅបន្តស្នើសុំឱ្យដំឡើងប្រាក់ឈ្នួលកម្មករ ខណៈតំណាងនិយោជកបានស្នើឱ្យបន្ថយប្រាក់ឈ្នួលដោយសារតែវិបត្តិជំងឺកូវីដ១៩ និង បញ្ហាការដកផ្នែកខ្លះនៃប្រព័ន្ធអនុគ្រោះពន្ធEBA។ បើទោះជាបែបនេះក្តី លោកប៉ាវ ស៊ីណា រំពឹងថា ប្រាក់ឈ្នួលរបស់កម្មករសម្រាប់ឆ្នាំ២០២១នឹងមានកើនឡើង តែលោកមិនទាន់ហ៊ានសន្និដ្ឋានបាននៅឡើយទេថា តើនឹងអាចកើនក្នុងតួលេខប៉ុន្មាននោះ។