លោកស្រី យ៉ាង សោភ័ណ្ឌ៖ ការពហិកាកិច្ចប្រជុំដើម្បីវិសោធនកម្មច្បាប់ស្តីពីការងារនៅថ្ងៃស្អែកគឺដោយសារតែខាតប្រយោជន៍កម្មករ
ចុះផ្សាយនៅថ្ងៃ៖
ស្តាប់ - ១២:០០
ក្រសួងការងារបានកំណត់ពេលបើកកិច្ចប្រជុំថ្នាក់ត្រីភាគីនៅថ្ងៃស្អែកនេះ ដើម្បីធ្វើវិសោធនកម្មលើមាត្រាមួយចំនួនក្នុងច្បាប់ស្តីពីការងារ។ មាត្រា១៤៤ ដែលគ្រោងកាត់បន្ថយប្រាក់ឈ្នួលអ្នកធ្វើការវេនយប់ពី១៣០%មកនៅ១០០% និងមាត្រា១៦២ ស្តីពីការធ្វើការងារថ្ងៃបុណ្យជាតិចំថ្ងៃអាទិត្យមិនលើកពេលឈប់បន្ថែម១ថ្ងៃទៀតទេ។ សម្រាប់ក្រុមសហជីពដែលអះអាងថាមានជំហរឯករាជ្យប្រកាសធ្វើពហិកាមិនចូលរួមកិច្ចប្រជុំនេះទេ។ លោកស្រី យ៉ាង សោភ័ណ្ឌ ប្រធានសហព័ន្ធសហជីពកម្ពុជា(CATU) ដែលជាភ្ញៀវប្រចាំថ្ងៃរបស់វិទ្យុបារាំងនៅរាត្រីនេះបានគូសបញ្ជាក់ថា ការកែប្រែមាត្រាទាំងពីរនេះធ្វើឲ្យបាត់ផលប្រយោជន៍ដល់កម្មករ-និយោជិត ទើបសហជីពធំៗចំនួន៦ ធ្វើពហិកាកិច្ចប្រជុំនោះ។
