មន្ទីរសុខាភិបាលខេត្តសៀមរាប៖ ករណីឆ្លងជំងឺផ្តាសាយបក្សី មិនធ្ងន់ធ្ងរដល់បិទចរាចរណ៍បក្សីក្នុងតំបន់ទេ
លោកវេជ្ជបណ្ឌិត ក្រុស សារ៉ាត ប្រធានមន្ទីរសុខាភិបាលខេត្តសៀមរាប តាមរយៈវិទ្យុបារាំងអន្តរជាតិនៅព្រឹកថ្ងៃទី១៤មីនានេះ បានបញ្ជាក់ថា ករណីឆ្លងជំងឺផ្តាសាយបក្សីប្រភេទ A/H9 នៅខេត្តសៀមរាប មិនធ្ងន់ធ្ងរដល់បិទចរាចរណ៍បក្សីក្នុងតំបន់នោះទេ។ មិនធ្ងន់ធ្ងរ ព្រោះថា ទារិកា ១ឆ្នាំ ១ខែម្នាក់ ក្នុងភូមិត្រពាំងរុន ឃុំឫស្សីលក ស្រុកជីក្រែង ខេត្តសៀមរាបដែលបានរកឃើញថាមានវិជ្ជមានជំងឺផ្តាសាយបក្សីប្រភេទនេះតាមរយៈលទ្ធផលបញ្ជាក់ដោយមន្ទីរពិសោធន៍នៅថ្ងៃទី១០មីនា បានជាសះស្បើយវិញហើយ។ ចំណែកឯ អ្នកជំងឺសង្ស័យចំនួន ១៣នាក់ផ្សេងទៀត ក៏មិនមានរកឃើញថាឆ្លងជំងឺផ្តាសាយបក្សីប្រភេទ A/H9 នេះដែរ។
ចុះផ្សាយនៅថ្ងៃ៖
សូមស្តាប់លោកប្រធានមន្ទីរសុខាភិបាលខេត្តសៀមរាប៖
សូមជម្រាបជូនថា នាយកដ្ឋានប្រយុទ្ធនឹងជំងឺឆ្លង (CDC) បានរកឃើញថាទីតាំងទារិកាដែលរស់នៅក្នុងភូមិនោះមានមាន់ងាប់ជាបន្តបន្ទាប់ ចាប់តាំងពីខែកុម្ភ: ឆ្នាំ ២០២២មក។ ក្រសួងសុខាភិបាល បានបញ្ជូនមន្ត្រីនាយកដ្ឋានប្រយុទ្ធជំងឺឆ្លង សហការជាមួយមន្ត្រីក្រុមឆ្លើយតបបន្ទាន់ខេត្ត ចុះអង្កេតស្រាវជ្រាវ បង្ការ និងទប់ស្កាត់ការរាតត្បាត និងអប់រំសុខភាពដល់ប្រជាជននៅមូលដ្ឋាន។ បើតាមក្រសួងសុខាភិបាល ករណីសង្ស័យថាមានជំងឺផ្តាសាយបក្សីប្រភេទ A/H9 ដូចជា គ្រុនក្តៅលើសពី ៣៨,៥ អង្សាសេ ក្អក ឈឺក និង ហត់ ឬមានមាន់ទាងាប់ឈឺច្រើននៅក្នុងពេលតែមួយ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ