ថ្ងៃទី១នៃការគិតថ្លៃធ្វើដំណើរតាមផ្លូវល្បឿនលឿនភ្នំពេញព្រះ-សីហនុ អ្នកធ្វើដំណើរមានការថយចុះ
លោក ហ៊ាង សុទ្ធាយុត្តិ អ្នកនាំពាក្យក្រសួងសាធារណការ និងដឹកជញ្ជូន បានប្រាប់វិទ្យុបារាំងអន្តរជាតិ RFI នៅថ្ងៃទី១ ខែវិច្ឆិកា ឆ្នាំ២០២២នេះថា ការធ្វើដំណើរតាមផ្លូវល្បឿនលឿនភ្នំពេញព្រះ-សីហនុ មានការថយចុះ នៅថ្ងៃទី១នៃការគិតថ្លៃធ្វើដំណើរ។ តែលោករំពឹងថា ចំនួនអ្នកធ្វើដំណើរតាមផ្លូវល្បឿនលឿននេះនឹងមានការកើនឡើងមកវិញ ខណៈក្រសួងសាធារណៈការ និងដឹកជញ្ជូនកំពុងរៀបចំកែសម្រួលវិធីនៃការបង់ថ្លៃធ្វើដំណើរ។
ចុះផ្សាយនៅថ្ងៃ៖
សូមស្ដាប់ការពន្យល់របស់ លោក ហ៊ាង សុទ្ធាយុត្តិ៖
គួរជម្រាបជូនថា ផ្លូវល្បឿនលឿនភ្នំពេញព្រះ-សីហនុ ត្រូវបានក្រសួងសាធារណការ និងដឹកជញ្ជូន ដាក់ឱ្យប្រើប្រាស់សាកល្បងដោយឥតគិតថ្លៃរយៈពេល ១ខែ ចាប់ពីថ្ងៃទី១ ដល់ថ្ងៃទី៣១តុលា។ ហើយចាប់ពីថ្ងៃទី១ ខែវិច្ឆិកា ឆ្នាំ២០២២ អ្នកធ្វើដំណើរលើផ្លូវល្បឿនលឿនត្រូវចំណាយថ្លៃធ្វើដំណើរម្តងចន្លោះពី ១២ដុល្លារទៅដល់ ៦០ដុល្លារលើផ្លូវប្រវែង ១៨៧,០៥ គីឡូម៉ែត្រនេះ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ