១០ឆ្នាំទៅមុខទៀត ត្រូវធ្វើអ្វីខ្លះដើម្បីអង្គរ?
១០ឆ្នាំទៅមុខសម្រាប់ការងារអភិវឌ្ឍប្រកបដោយចីរភាពនៃរមណីយដ្ឋានអង្គរគឺផ្តោតការយកចិត្តទុកដាក់អំពីបម្រែបម្រួលអាកាសធាតុ ការពារបរិស្ថាន ការពារទេសភាពវប្បធម៌ ការថែរក្សាធនធានធម្មជាតិ(ទឹក និងព្រៃ) ការអភិវឌ្ឍន៍សហគមន៍មូលដ្ឋាន ការថែរក្សាប្រាង្គប្រាសាទ និងសកម្មភាពទេសចរណ៍ប្រកបដោយស្មារតីទទួលខុសត្រូវ។ ទាំងនេះគឺជាការងារសំខាន់ដែលត្រូវបានដាក់ចេញតាមរយៈលទ្ធផលនៃកិច្ចប្រជុំអន្តររដ្ឋាភិបាលលើកទី៤ស្តីពីរមណីយដ្ឋានអង្គរ- សំបូរព្រៃគុកដែលចេញផ្សាយនៅថ្ងៃទី១៨វិច្ឆិកា។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០២:០៦
ក្រៅពីកិច្ចការនេះ ការបង្កើនសមត្ថភាពអ្នកជំនាញខ្មែរ ដើម្បីឆ្លើយតបនឹងតម្រូវការពហុជំនាញ នៃការគ្រប់គ្រងបេតិកភណ្ឌពិភពលោកក៏ត្រូវបន្តធ្វើដែរតាមរយៈការបណ្តុះបណ្តាល សិក្ខាសាលា អាហារូបករណ៍នៅបរទេស ការសិក្សានៅនឹងកន្លែង និងការគ្រប់គ្រងស្ថាបនតាមវិធីសាស្ត្រទំនើប និងបច្ចេកវិទ្យាថ្មីៗ។
ភាគីពាក់ព័ន្ធក៏បានស្នើដល់សមាជិកនៃគណៈកម្មាធិការអាយស៊ីស៊ីអង្គរ-សំបូរព្រៃគុក ផ្តួចផ្តើមលើកិច្ចការពាររូបភាពអង្គរដែលបេតិកភណ្ឌពិភពលោកតាមរយៈការរៀបចំវិធាន និងយន្តការច្បាប់នានា។
អង្គការយូណេស្កូបានចាត់ទុកគណៈកម្មាធិការ ICC-Angkor ថាជាគំរូ និងជោគជ័យដែលត្រូវទទួលជំនួយ១០ឆ្នាំបន្តទៀត។ ក្នុងរយៈពេល៣០ឆ្នាំ ទឹកប្រាក់ ៦០០លានដុល្លារត្រូវបានចំណាយសម្រាប់ការជួសជុល អភិរក្សតំបន់អង្គរ។ មានសមាជិកចូលរួមពីប្រទេសជាង៣០ និងមានអង្គការអន្តរជាតិជាដៃគូចូលរួមផ្សេងទៀត គណៈកម្មាធិការអាយស៊ីស៊ី-អង្គរ បានក្លាយជាគំរូគេនៅក្នុងចំណោមគម្រោងថែរក្សាការពារនិងអភិរក្សសម្បត្តិបេតិកភណ្ឌរបស់យូណេស្កូ។
ការសម្រេចនេះគឺធ្វើនៅទីស្នាក់ការកណ្តាលរបស់អង្គការយូណេស្កូនៅទីក្រុងប៉ារីស នៃសន្និសីទអន្តររដ្ឋាភិបាលស្តីពីអង្គរ សម្រាប់ប្រារព្ធខួប៣០ឆ្នាំនៃវត្តមានរបស់គណៈកម្មាធិការអន្តរជាតិសម្របសម្រួលកិច្ចគាំពារនិងអភិវឌ្ឍន៍តំបន់អង្គរ និងសំបូរពៃ្រគុក ក្រោមព្រះរាជវត្តមានរបស់ព្រះករុណាព្រះបាទសម្តេចព្រះបរមនាថ នរោត្ដម សីហមុនី ព្រះមហាក្សត្រក្រកម្ពុជានៅពាក់កណ្តាលខែវិច្ឆិកានេះ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ