លោក ហ៊ុន ម៉ាណែត៖ មន្ត្រីរាជការនឹងត្រូវបណេ្តញចេញពីការងារបើពាក់ព័ន្ធគ្រឿងញៀន
នៅក្នុងពិធីបិទសន្និបាតរបស់អាជ្ញាធរជាតិប្រយុទ្ធប្រឆាំងគ្រឿងញៀននារសៀលថ្ងៃចន្ទ ទី២០ ខែកុម្ភៈនេះ លោកនាយករដ្ឋមន្ត្រី ហ៊ុន ម៉ាណែត បានថ្លែងបញ្ជាក់ថាមន្ត្រីរាជការស៊ីវិលនឹងត្រូវបណ្តេញចេញពីក្របខណ្ឌដូចជាកងកម្លាំងប្រដាប់អាវុធដែរ ប្រសិនបើពួកគេពាក់ព័ន្ធនឹងគ្រឿងញៀន។ តាមលោក ហ៊ុន ម៉ាណែត ការពង្រីកវិសាលភាពហាមប្រាមមន្ត្រីរាជការទូទាំងរដ្ឋាភិបាលមិនឲ្យពាក់ព័ន្ធគ្រឿងញៀនបែបនេះប្រៀបបាននឹងការសម្អាតចកដូច្នោះដែរ។ បន្ថែមពីនេះ លោកនាយករដ្ឋមន្ត្រីបានឯកភាពឲ្យក្រសួងមហាផ្ទៃធ្វើបញ្ជីទិន្នន័យឈ្មោះមន្រ្តី ដែលជាប់ពាក់ព័ន្ធគ្រឿងញៀន ដើម្បីគ្រប់គ្រង និងចែកចាយនៅតាមស្ថាប័នរដ្ឋ។ ជាមួយគ្នានេះលោក ហ៊ុន ម៉ាណែត ក៏បានស្វាគមន៍ដល់វិស័យឯកជនក្នុងការជ្រើសរើសបុគ្គលិកឲ្យចូលបំរើការងារដែលមិនពាក់ព័ន្ធនឹងគ្រឿងញៀន។យោងតាមរបាយការណ៍ឆ្នាំ ២០២៣ របស់អាជ្ញាធរជាតិប្រយុទ្ធប្រឆាំងគ្រឿងញៀន អាជ្ញាធរបានបង្រ្កាបបទល្មើសគ្រឿងញៀនសរុបចំនួនជាង ៨ពាន់ករណី ឃាត់ខ្លួនជនសង្ស័យប្រមាណ ២ម៉ឺននាក់ ចាប់បានគ្រឿងញៀនជិត ៣តោន ព្រមទាំងរឹបអូសសារធាតុគីមីផ្សំបានជាង១តោន។ ជាមួយគ្នានោះ អាជ្ញាធរក៏បានដុតកម្ទេច បន្សាបគ្រឿងញៀន និងសារធាតុពាក់ព័ន្ធជាង ៣៤០តោនផងដែរ។ ប៉ុន្តែនៅដើមឆ្នាំ២០២៤នេះ បទល្មើសគ្រឿងញៀនទ្រង់ទ្រាយធំហាក់កើតឡើងយ៉ាងគំហុក៕
ចុះផ្សាយនៅថ្ងៃ៖
ស្តាប់ - ០២:៣៣