លោក គឹម ណុង៖ ការកែប្រែតំបន់ការពារធម្មជាតិមិនប៉ះពាល់ពលរដ្ឋ តែផ្តល់ប្រយោជន៍ដល់ទេសចរណ៍និងឥណទានកាបូន
ចុះផ្សាយនៅថ្ងៃ៖
ស្តាប់ - ១៤:២៦
ភ្ញៀវប្រចាំថ្ងៃរបស់វិទ្យុបារាំងអន្តរជាតិនៅថ្ងៃនេះគឺ លោក គឹម ណុង អគ្គនាយកតំបន់ការពារធម្មជាតិនៃក្រសួងបរិស្ថាន។ បើតាមលោក គឹម ណុង រដ្ឋាភិបាលកម្ពុជាបានចុះអនុក្រឹត្យថ្ងៃទី១៧ ខែកក្កដា ឆ្នាំ២០២៣ កែប្រែតំបន់ការពារធម្មជាតិដំណាលគ្នាដល់ទៅចំនួន៣៧តំបន់ ខណៈតំបន់ការពារធម្មជាតិប្រទេសកម្ពុជាមានសរុបចំនួន ៧៣តំបន់។ តំបន់ការពារធម្មជាតិដែលរួមមាន តំបន់ឧទ្យានជាតិ តំបន់ដែនជម្រកសត្វព្រៃ តំបន់ការពារទេសភាព និងតំបន់ប្រើប្រាស់ច្រើនយ៉ាង ត្រូវបានរដ្ឋាភិបាលសម្រេចពង្រីកផ្ទៃដីនិងខ្លះទៀតត្រូវបានកាត់ឆ្កៀលចេញ។ អគ្គនាយកតំបន់ការពារធម្មជាតិនៃក្រសួងបរិស្ថានថា ការកែប្រែតំបន់ការពារធម្មជាតិទាំងជិត ៤០តំបន់នេះ គឺដើម្បីធ្វើបច្ចុប្បន្នភាពទំហំផ្ទៃដីឱ្យបានត្រឹមត្រូវ ឈានទៅរៀបចំការចុះបញ្ជីដីធ្លី ធានាប្រសិទ្ធភាពគ្រប់គ្រងនិងប្រើប្រាស់ធនធានធម្មជាតិ និងកាត់បន្ថយទំនាស់ដីធ្លី...។ល។ លោក គឹម ណុង អះអាងថា ការកែប្រែតំបន់ការពារធម្មជាតិនេះ មិនបង្កផលប៉ះពាល់ដល់ប្រជាពលរដ្ឋទេ តែផ្ទុយទៅវិញវាផ្តល់ប្រយោជន៍ដល់វិស័យទេសចរណ៍និងឥណទានកាបូន៕