លោកមាស សុភ័ណ្ឌ៖អ្នកកាសែតដែលបង្កើត ឬចែកចាយព័ត៌មានក្លែងក្លាយពាក់ព័ន្ធជំងឺកូវីដនឹងប្រឈមចំពោះមុខច្បាប់
ចុះផ្សាយនៅថ្ងៃ៖
ស្តាប់ - ១១:៤១
ភ្ញៀវប្រចាំថ្ងៃរបស់យើងនៅរាត្រីនេះ គឺលោកមាស សុភ័ណ្ឌ ដែលជាអ្នកនាំពាក្យក្រសួងព័ត៌មានកម្ពុជា។ នៅរាត្រីនេះ លោកមាស សុភ័ណ្ឌ បានចូលខ្លួនមកឆ្លើយតបនឹងរបាយការណ៍ប្រចាំឆ្នាំ២០២០ស្តីពីស្ថានភាពអ្នកសារព័ត៌មានរបស់សមាគមសម្ព័ន្ធអ្នកសារព័ត៌មានកម្ពុជាហៅកាត់ថា ខេមបូចា។ សម្រាប់លោកមាស សុភ័ណ្ឌ ការលើកឡើងរបស់ខេមបូចា គឺមិនឆ្លុះបញ្ចាំងនឹងស្ថានភាពជាក់ស្តែងៗដែលអ្នកនាំពាក្យរូបនេះអះអាងថា អ្នកសារព័ត៌មាននៅកម្ពុជាមានសិទ្ធិសេរីភាពពេញលេញក្នុងការអនុវត្តការងាររបស់ខ្លួន។ ចំពោះបញ្ហាប្រឌិតព័ត៌មានក្លែងក្លាយពាក់ព័ន្ធនឹងជំងឺកូវីដ១៩ ក៏ដូចជាបញ្ហាវ៉ាក់សាំងវិញ លោកមាស សុភ័ណ្ឌ បានព្រមានថា អង្គការសារព័ត៌មានណាដែលជាប់ពាក់ព័ន្ធនឹងត្រូវដកហូតអាជ្ញាបណ្ណ រីឯអ្នកសារព័ត៌មាននឹងប្រឈមចំពោះមុខច្បាប់ជាធរមានរបស់កម្ពុជា។
