លោកស្រី Eva Nguyen Binh៖ «ខ្ញុំនឹងចាកចេញពីកម្ពុជា ដោយភាពរំជួលចិត្ត»
ចុះផ្សាយនៅថ្ងៃ៖
ស្តាប់ - ១០:១២
លោកស្រី Eva Nguyen Binh ឯកអគ្គរដ្ឋទូតបារាំងប្រចាំនៅកម្ពុជា នឹងត្រូវបញ្ចប់បេសកកម្មការទូតរបស់លោកស្រីហើយ នៅចុងខែមិថុនា ឆ្នាំ២០២១នេះ ក្រោយចំណាយពេល៤ឆ្នាំ តំណាងឲ្យរដ្ឋាភិបាលបារាំងនៅលើទឹកដីអង្គរដ៏បវរ។ ប៉ុន្មានថ្ងៃ មុនការចាកចេញ លោកស្រី Eva Nguyen Binh ថ្លែងប្រាប់វិទ្យុបារាំង RFI ថា លោកស្រីបានបន្សល់ទុកនូវសមិទ្ធផលជាច្រើន នៅក្នុងប្រទេសកម្ពុជា ក្នុងនោះមាន លទ្ធផលជាវិជ្ជមាននៃវិស័យនយោបាយ និងទំនាក់ទំនងទ្វេភាគី វិស័យសេដ្ឋកិច្ច វប្បធម៌ ការអប់រំ និងការជួយជ្រោមជ្រែងដល់វិស័យជាច្រើនទៀត រួមទាំងសហគមន៍បារាំងនៅកម្ពុជាផងដែរ។ អ្វីដែលលោកស្រីឯកអគ្គរដ្ឋទូតមិនអាចបំភ្លេចបាននោះគឺ អនុស្សាវរីយ៍នៃការចាកចេញពីប្រទេសកម្ពុជាប្រកបដោយការរំជួលចិត្ត ដោយលោកស្រីពោលថា កម្ពុជាមិនបានទុកឲ្យលោកស្រីឯកោនោះទេ។