បទសម្ភាស
លោក ពុយ គា៖ ព័ត៌មានក្លែងក្លាយនៅតែជាប្រធានបទក្តៅ នឹងកំពុងបន្តកើតមានតទៅទៀត
ចុះផ្សាយនៅថ្ងៃ៖
ស្តាប់ - ០៩:១៣
វេទិកាតុមូលនិពន្ធនាយកអាស៊ីអឺរ៉ុបលើកទី១០ដែលកម្ពុជាជាម្ចាស់ផ្ទះត្រូវបិទបញ្ចប់ហើយនៅល្ងាចថ្ងៃពុធនេះ។ វេទិការយៈពេល២ថ្ងៃនេះផ្ដោតលើប្រធានបទ ការពង្រឹងកិច្ចសហការរវាងអ្នកសារព័ត៌មានក្នុងការប្រយុទ្ធប្រឆាំងនឹងដំណឹងក្លែងក្លាយ។ លោក ពុយ គា អគ្គលេខាធិការក្លិបអ្នកកាសែតកម្ពុជា ដែលជាភ្ញៀវប្រចាំថ្ងៃរបស់វិទ្យុបារាំងអន្តរជាតិ RFI ថ្លែងថា ដំណឹងក្លែងកំពុងតែគំរាមកំហែងទៅដល់សន្តិសុខប្រទេសនីមួយៗទូទាំងពិភពលោករួមទាំងកម្ពុជា។ ដូច្នេះការលើកប្រធានបទសម្រាប់កិច្ចប្រជុំនេះគឺសមស្របទៅនឹងសភាពការណ៍ដែលភាគីពាក់ព័ន្ធកំពុងយកចិត្តទុកដាក់ដោះស្រាយ។
