កញ្ញា ឈឹម ស៊ីថរ៖ ក្រុមអ្នកតវ៉ាណាហ្គាវើលដ៍រក្សាជំហរកូដកម្មពេលប្រជុំអាស៊ាន ទោះអាជ្ញាធរព្រមានប្រើវិធានការច្បាប់
ចុះផ្សាយនៅថ្ងៃ៖
ស្តាប់ - ១៣:០៣
ភ្ញៀវប្រចាំថ្ងៃរបស់វិទ្យុយើងនារាត្រីនេះ គឺកញ្ញា ឈឹម ស៊ីថរ សហជីពតំណាងកម្មករក្រុមហ៊ុនណាហ្គាវើលដ៍។ សាលាក្រុងភ្នំពេញ នៅថ្ងៃទី០៥វិច្ឆិកា បានចេញបម្រាមមិនឲ្យបុគ្គលិកក្រុមហ៊ុនណាហ្គាវើលដ៍ ចេញធ្វើកូដកម្ម នៅអំឡុងពេលបុណ្យអុំទូក និងពេលកម្ពុជាត្រូវរៀបចំកិច្ចប្រជុំកំពូលអាស៊ាន។ ការហាមប្រាម ធ្វើឡើងដើម្បីធានាសណ្តាប់ធ្នាប់ និងសន្តិសុខទីក្រុងភ្នំពេញ។ កញ្ញា ឈឹម ស៊ីថរ សហជីពតំណាងកម្មករណាហ្គាវើលដ៍ បញ្ជាក់ថា ក្រុមកម្មករនៅតែរក្សាជំហរចេញធ្វើកូដកម្ម ទោះអាជ្ញាធរព្រមានប្រើប្រាស់វិធានការច្បាប់ក៏ដោយ។ បើតាមកញ្ញា ឈឹម ស៊ីថរ អាជ្ញាធរមិនគួររារាំងការធ្វើកូដកម្មនេះទេ ព្រោះអាចធ្វើឲ្យប៉ះពាល់ដល់មុខមាត់កម្ពុជា ដែលជាម្ចាស់ផ្ទះរៀបចំកិច្ចប្រជុំកំពូល។