បទសម្ភាស
លោក សុខ ឥសាន៖ បើគ្មានកងទ័ពវៀតណាមទេ នោះកម្លាំងរណសិរ្សនឹងពិបាកផ្តួលរំលំរបបខ្មែរក្រហម
ចុះផ្សាយនៅថ្ងៃ៖
ស្តាប់ - ០៩:៤៥
២ធ្នូ២០២២ គឺជាខួបលើកទី៤៤ឆ្នាំនៃការបង្កើតកម្លាំងរណសិរ្សសង្រ្គោះជាតិកម្ពុជា ដើម្បីផ្តួលរំលំរបបកម្ពុជាប្រជាធិបតេយ្យ។ មួយផ្នែកនៃជ័យជំនះរបស់កម្លាំងរណសិរ្ស ដែលមិនអាចប្រកែកបាន គឺជាការរួមចំណែករបស់កងទ័ពស្ម័គ្រចិត្តវៀតណាម តាមរយៈការពឹងពាក់របស់ប្រមុខដឹកនាំនៃគណបក្សប្រជាជនកម្ពុជា។ លោក សុខ ឥសាន អ្នកនាំពាក្យគណបក្សប្រជាជនកម្ពុជា គូសបញ្ជាក់ថា បើពេលនោះ គ្មានវត្តមានកងទ័ពវៀតណាមទេ នោះកម្លាំងរណសិរ្សនឹងជួបការលំបាកក្នុងការផ្តួលរំលំរបបខ្មែរក្រហម។ បើតាមលោក សុខ ឥសាន កំណើតរណសិរ្ស២ធ្នូ គឺជាមូលដ្ឋានគ្រឹះដែលនាំឲ្យមានថ្ងៃ៧មករា និងកិច្ចព្រមព្រៀងសន្តិភាពទីក្រុងប៉ារីស២៣តុលា។
