លោកស្រី អេង ចាន់ឌី៖ ពាក្យពេចន៍លោក ផែង វណ្ណៈ បានបន្សល់ទុកស្លាកស្នាមឲ្យអ្នកសារព័ត៌មានជាស្ត្រីភ័យខ្លាច
ចុះផ្សាយនៅថ្ងៃ៖
ស្តាប់ - ១២:៥៨
ភ្ញៀវប្រចាំថ្ងៃរបស់វិទ្យុយើងនារាត្រីនេះ គឺលោកស្រី អេង ចាន់ឌី នាយិកាប្រតិបត្តិនៃអង្គការយែនឌ័រ និងអភិវឌ្ឍន៍ដើម្បីកម្ពុជា។ នៅថ្ងៃទី១៧កុម្ភៈ លោកនាយករដ្ឋមន្ត្រី ហ៊ុន សែន បានឆ្លើយតបទៅនឹងលិខិតចំហរបស់ក្រុមអង្គការសង្គមស៊ីវិល ដែលទាមទារឲ្យមានចំណាត់ការផ្លូវច្បាប់លើលោក ផែង វណ្ណៈ ក្រោយដែលលោក ផែង វណ្ណៈ បានប្រើប្រាស់ពាក្យពេចន៍ប្រមាថលើស្ត្រីអ្នកសារព័ត៌មាន VOD។ ទោះការឆ្លើយតបរបស់លោក ហ៊ុន សែន មិនមានវិធានការច្បាប់លើលោក ផែង វណ្ណៈ តែលោកស្រី អេង ចាន់ឌី យល់ថា ជាភាពវិជ្ជមាន ដែលរដ្ឋាភិបាលបានយល់អំពីការប្រើប្រាស់ពាក្យពេចន៍អសីលធម៌បំពានលើស្ត្រី។ យ៉ាងណា ឆ្លងតាមមេរៀននេះ លោកស្រី អេង ចាន់ឌី លើកឡើងថា ពាក្យពេចន៍ប្រមាថរបស់លោក ផែង វណ្ណៈ បានបន្សល់នូវស្លាកស្នាមឈឺចាប់ ភ័យខ្លាច ដល់បណ្តាអ្នកសារព័ត៌មានជាស្ត្រីផ្សេងទៀត។