ករណីផ្តាសាយបក្សី៖ លោកស្រី ឱ វណ្ណឌីន អំពាវនាវឱ្យពលរដ្ឋបន្តប្រុងប្រយ័ត្នខ្ពស់ព្រោះបើឆ្លង អាត្រាស្លាប់មានច្រើន
ចុះផ្សាយនៅថ្ងៃ៖
ស្តាប់ - ១៧:១៤
ភ្ញៀវប្រចាំថ្ងៃរបស់វិទ្យុបារាំងអន្តរជាតិនៅរាត្រីនេះគឺ លោកស្រី ឱ វណ្ណឌីន អ្នកនាំពាក្យក្រសួងសុខាភិបាលកម្ពុជា។ បន្ទាប់ពីជំងឺកូវីដ១៩ ជំងឺផ្តាសាយបក្សីកំពុងតែក្លាយជាក្តីបារម្ភថ្មីមួយទៀត ដែលក្រសួងសុខាភិបាលកម្ពុជាកំពុងយកចិត្តទុកដាក់ក្នុងការទប់ស្កាត់នៅពេលនេះ។ ប៉ុន្មានថ្ងៃកន្លងមកនេះ កម្ពុជាទើបប្រកាសករណីឆ្លងជំងឺផ្តាសាយបក្សីនៅក្នុងខេត្តព្រៃវែងចំនួន២ករណី ក្នុងនោះមាន១ករណីស្លាប់ និងមានមនុស្សជាច្រើននាក់កំពុងស្ថិតនៅក្នុងការសង្ស័យ។ ជំងឺឆ្លងមួយនេះ មានអាត្រាស្លាប់ខ្ពស់មែនទែន។ បើតាមក្រសួងសុខាភិបាល ចាប់តាំងពីមានជំងឺផ្តាសាយបក្សីលើកដំបូងនៅកម្ពុជាកាលពី១៨ឆ្នាំមុន ក្នុងចំណោមអ្នកឆ្លងវីរុសផ្តាសាយបក្សី H5N1 សរុបទាំងអស់ ៥៨ករណី គឺមានតែ១៩ករណីប៉ុណ្ណោះដែលមានជីវិត។ ក្នុងបទសម្ភាសន៍ជាមួយ អោ ស្រីពេជ្រ អ្នកនាំពាក្យក្រសួងសុខាភិបាល លោកស្រី ឱ វណ្ណឌីន អំពាវនាវដល់ពលរដ្ឋបន្តរក្សាការរស់នៅស្អាតនិងហូបស្អាត នៅក្នុងស្ថានភាពដ៏គួរឱ្យព្រួយបារម្ភនេះ។
