លោក លី សំរិទ្ធ៖ រដ្ឋបាលសៀមរាបនឹងព្យាយាមជួសជុលផ្ទាំងលម្អអង្គរសង្រ្កានឡើងវិញ ឲ្យទាន់ពេលវេលា
ចុះផ្សាយនៅថ្ងៃ៖
ស្តាប់ - ០៨:៥៨
ភ្ញៀវប្រចាំថ្ងៃរបស់វិទ្យុយើងនារាត្រីនេះ គឺលោក លី សំរិទ្ធ អភិបាលរងខេត្តសៀមរាប។ ខេត្តសៀមរាប នៅថ្ងៃពុធម្សិលមិញ បានរងនូវឥទ្ធិពលខ្យល់កន្ត្រាក់ ប្រមាណជាង១ម៉ោង ដែលបណ្តាលឲ្យគ្រឿងតែងលម្អអង្គារសង្រ្កាន នៅកណ្តាលក្រុងសៀមរាប បានបាក់រំលំ និងបណ្តាលឲ្យប្រជាពលរដ្ឋមួយរូបស្លាប់ និងម្នាក់ទៀតរងរបួស។ លោក លី សំរិទ្ធ បញ្ជាក់ថា ខ្យល់កន្ត្រាក់នេះ បានគ្របដណ្តប់ស្រុក ក្រុងរហូតដល់១០ក្នុងខេត្តសៀមរាប ខណៈដែលក្រុងសៀមរាបរងការខូចខាតខ្លាំងជាងគេ។ នៅចំពោះមុខនៃការរៀបចំពិធីអង្គរសង្រ្កានដែលជិតមកដល់ អភិបាលរងរូបនេះ បានអះអាងថា ខេត្តនឹងព្យាយាមជួសជុលផ្ទាំងលម្អ និងគ្រឿងតុបតែងអង្គរសង្រ្កានឡើងវិញ ឲ្យបានទាន់ពេលវេលា។