បទសម្ភាស
លោក អេង ហ៊ី៖ បទល្មើសព្រៃឈើទ្រង់ទ្រាយធំបានស្ងប់ស្ងាត់ តែបទល្មើសតូចតាចនៅបន្តកើតមាន
ចុះផ្សាយនៅថ្ងៃ៖
ស្តាប់ - ១០:៣៥
គណៈកម្មការជាតិ ដើម្បីទប់ស្កាត់និងបង្ក្រាបបទល្មើសធនធានធម្មជាតិ បានចេញសេចក្តីប្រកាសព័ត៌មាននៅថ្ងៃអាទិត្យនេះ អំពីលទ្ធផល នៃការទប់ស្កាត់ និងបង្រ្កាបបទល្មើសព្រៃឈើទូទាំងប្រទេស។ រយៈពេលពេញមួយឆ្នាំ២០១៩កន្លងមក គណៈកម្មការជាតិ បានឃាត់ខ្លួននិងបញ្ជូនជនសង្ស័យពាក់ព័ន្ធនឹងបទល្មើសព្រៃឈើចំនួន៥៩នាក់ ចាប់យកឈើចម្រុះចំនួនជិតមួយម៉ឺនម៉ែត្រគូប(៩.២១៥,៨៧៦ ) និងចាប់យកមធ្យោបាយសរុបចំនួន៤៩១គ្រឿង។ លោកឧត្តមសេនីយ៍ត្រី អេង ហ៊ី អ្នកនាំពាក្យកងរាជអាវុធហត្ថលើផ្ទៃប្រទេស បានថ្លែងថា បទល្មើសព្រៃឈើទ្រង់ទ្រាយធំបានស្ងប់ស្ងាត់ហើយ តែបទល្មើសតូចតាចនៅបន្តកើតមាន។
