ទីភ្នាក់ងារAFD ផ្តល់១០លានអឺរ៉ូសម្រាប់គម្រោង AfriCamដែលដៅទប់ស្កាត់ការឆ្លងជំងឺពីសត្វទៅមនុស្ស
កម្ពុជាស្ថិតក្នុងចំណោមប្រទេស៥ដែលត្រូវទទួលបានប្រព័ន្ធចាប់តាមដានជំងឺដែលអាចឆ្លងពីសត្វទៅមនុស្ស នៅក្នុងក្របខ័ណ្ឌគម្រោងAfriCam ដែលជាគម្រោងរបស់អង្គការPREZODE( Preventive ZOonotic Disease Emergence)។ គម្រោង AfriCam ដែលត្រូវអនុវត្តនៅ ប្រទេសអាហ្វ្រិកចំនួន ៤ និងនៅប្រទេសកម្ពុជា ត្រូវប្រកាសចាប់ផ្តើមជាផ្លូវការ នៅថ្ងៃចន្ទម្សិលមិញ នៅក្នុងពិធីចុះហត្ថលេខា របស់ទីភ្នាក់ងារអភិវឌ្ឍបារាំង AFD ជាមួយអង្គការដៃគូ ដែលមានCirad និងអង្គការIRD។ តាមសេចក្តីប្រកាសព័ត៌មានរបស់ទីភ្នាក់ងារអភិវឌ្ឍបារាំង អង្គការដៃគូ ទាំងពីរ គឺCirad និងអង្គការIRDនឹងទទួលបានថវិកាម្នាក់ៗ ៥លានអឺរ៉ូសម្រាប់អនុវត្តគម្រោងAfriCam ក្នុងរយៈពេល ៣ឆ្នាំ នៅក្នុងប្រទេសកម្ពុជា ហ្គីណេ សេណេហ្កាល់ ម៉ាដាហ្កាស្ការ និងកាមឺរូន។ សម្រាប់លោក Matthieu Le Grix អ្នកទទួលខុសត្រូវផ្នែកកសិកម្ម អភិវឌ្ឍជនបទ និងប្រព័ន្ធជីវចម្រុះ របស់ទីភ្នាក់ងារអភិវឌ្ឍបារាំង គម្រោងAfriCam នឹងជួយឲ្យគេអាចសិក្សាស្រាវជ្រាវ និងរកវិធីទប់ស្កាត់កុំឲ្យជំងឺសត្វអាចឆ្លងទៅមនុស្ស។
ចុះផ្សាយនៅថ្ងៃ៖
ស្តាប់ - ០២:១៧