លោក សេង ឡូត៖ ពលរដ្ឋសហគមន៍ប៊ូឌីញ ស នាំគ្នាទៅទទួលយកកិច្ចសន្យាលក់លំនៅដ្ឋានឲ្យក្រុមហ៊ុនជប៉ុន
ចុះផ្សាយនៅថ្ងៃ៖
ស្តាប់ - ១០:៥៤
គិតត្រឹមថ្ងៃទី ១៣ ឧសភា នេះ មានប្រជាពលរដ្ឋសហគមន៍ប៊ូឌីញ ស ប្រមាណ ៣០% បានចូលមកទទួលកិច្ចសន្យាលក់លំនៅដ្ឋានឲ្យក្រុមហ៊ុនជប៉ុនអារ៉ាកាវ៉ា ក្នុងតម្លៃ ១៤០០ ដុល្លារ ក្នុងមួយម៉ែតការ៉េ ដោយមានក្រសួងរៀបចំដែនដី នគរូបនីយកម្មនិងសំណង់ជាអ្នកសម្របសម្រួល។ នេះបើតាមលោក សេង ឡូត អ្នកនាំពាក្យក្រសួងរៀបចំដែនដី។ បើទោះបីជានៅក្នុងកិច្ចប្រជុំពិភាក្សាស្តីពីការអភិវឌ្ឍអគារប៊ូឌីញ“ស” កាលពីម្សិលមិញ មានប្រជាពលរដ្ឋមួយចំនួនពុំសូវជាពេញចិត្តចំពោះការកំណត់តម្លៃនេះក៏ដោយ ប៉ុន្តែអ្នកនាំពាក្យនៅថ្ងៃនេះ បានអះអាងប្រាប់វិទ្យុបារាំងថា ប្រជាពលរដ្ឋទាំង ៤៩៣ គ្រួសារដែលកំពុងរស់នៅអគារ ប៊ូឌីញ ស យល់ព្រមទទួលយកសំណង ១៤០០ ដុល្លារ ក្នុងមួយម៉ែតការ៉េ ជាថ្នូរនឹងការចាកចេញ។ តទៅនេះគឺជាបទសម្ភាសន៍រវាង សរ ពិសី និង លោក សេង ឡូត អ្នកនាំពាក្យក្រសួងរៀបចំដែនដី នគរូបនីយកម្ម និង សំណង់៖