ប៉េកាំងលុបចោលគម្រោងនុយក្លេអ៊ែរក្រោយមានចលនាបាតុកម្ម
គម្រោងសាងសង់រោងចក្រចម្រាញ់ធាតុអ៊ុយរ៉ានីញ៉ូម នៅខេត្ត Guangdong ភាគខាងត្បូងប្រទេស តម្លៃជាង៧៦០០លានដុល្លារ ត្រូវបានអាជ្ញាធរប្រកាសលុបចោលទៅវិញ នៅថ្ងៃសៅរ៍ម្សិលមិញ មួយថ្ងៃក្រោយមានចលនាបាតុកម្មប្រឆាំង ចូលរួមដោយបណ្តាជនរាប់រយនាក់។
ចុះផ្សាយនៅថ្ងៃ៖
ស្តាប់ - ០១:៣២
នេះមិនមែនជាលើកទីមួយទេ ដែលបណ្តាជនចិននាំគ្នាចុះថ្នល់តវ៉ា ប្រឆាំងនឹងគម្រោងសាងសង់មជ្ឈមណ្ឌលឧស្សាហកម្ម មានលក្ខណៈប៉ះពាល់ដល់សុខភាពនិងបរិស្ថាននោះ ប៉ុន្តែនៅលើកនេះ អាជ្ញាធរបានឮសម្រែកបណ្តាជន ប្រកាសលុបគម្រោងសាងសង់រោងចក្រចម្រាញ់អ៊ុយរ៉ានីញ៉ូម ដើម្បីគោរពមតិសាធារណៈ។ រោងចក្រដែលប្រសិនបើដំណើរបាន អាចផ្តល់ថាមពលបានពាក់កណ្តាលនៃតម្រូវការចាំបាច់របស់ខេត្ត។
ជាកាយវិការផ្សះផ្សាមិនធ្លាប់ក្នុងរដ្ឋាភិបាលចិន ប៉ុន្តែនេះអាចចាត់ទុកជាដកពិសោធន៍សង្គមមួយ ព្រោះជាហ្គ័ងទុងជាខេត្តដ៏មានជាងគេមួយរបស់ចិន និងធានាការនាំចេញតំណាងឱ្យមួយភាគបីនៃការនាំចេញសរុបរបស់ចិន។ ចលនាបាតុកម្ម ប្រមូលផ្តុំគ្នាតាមប្រព័ន្ធសង្គមរបស់សង្គមថ្នាក់កណ្តាលនេះ មិនត្រូវបានទទួលការបង្ក្រាបហិង្សា និងតែងសាកល្បងដោះស្រាយតាមផ្លូវនយោបាយ។
គ្រោះថ្នាក់កាន់តែញយៗ ជួនដោយការសាងសង់មិនគោរពបទដ្ឋានសុវត្ថិភាព ជួនដោយអំពើពុករលួយ ហើយបញ្ហាបរិស្ថានក៏កាន់តែជ្រួតជ្រាបក្នុងសតិអារម្មណ៍របស់បណ្តាជនចិន បានរុញច្រានឱ្យមានការប្រឆាំងនឹងគម្រោងឧស្សាហកម្ម កាន់តែច្រើន។ បើតាមការសិក្សាចុងក្រោយ គុណភាពខ្យល់បរិយាកាសនិងទឹកនៅទីក្រុងប៉េកាំងធ្លាក់ចុះដល់កំរិតមួយគួរឱ្យព្រួយបារម្ភ ធ្វើឱ្យមនុស្សខាតអាយុអស់៥ឆ្នាំកន្លះ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ