ចិនលែងខ្វល់នឹងការធ្លាក់យន្តហោះម៉ាឡេស៊ីMH៣៧០
៦ខែក្រោយការធ្លាក់យន្តហោះម៉ាឡេស៊ី MH370 ការស្វែងរកគ្មានបានលទ្ធផលអ្វីបន្តិចបន្តួចសោះ។ លោកនាយករដ្ឋមន្ត្រីអូស្ត្រាលី បានអញ្ជើញមកម៉ាឡេស៊ីជាថ្មី នៅថ្ងៃសៅរ៍និងអាទិត្យទី ៦-៧ កញ្ញា នេះ ដើម្បីពិភាក្សាជាមួយសមភាគី អំពីដំណាក់កាលថ្មី នៃប្រតិបត្តិការរុករកកន្លែងយន្តហោះធ្លាក់។
ចុះផ្សាយនៅថ្ងៃ៖
ស្តាប់ - ០១:៥១
អូស្ត្រាលី ដែលជាអ្នកដឹកនាំប្រតិបត្តិការរុករកខ្មោចយន្តហោះម៉ាឡេស៊ីMH370 តាំងពីហេតុការណ៍ធ្លាក់បាត់មក បានប្រកាសកាលពីថ្ងៃសុក្រថាបានឃើញវត្ថុរឹងមួយ ធ្វើពីលោហៈនៅក្នុងផ្ទៃមហាសមុទ្ទឥណ្ឌា ប៉ុន្តែតាមការពិតទៅ គឺជាទំនងភូគព្ភសាស្ត្រច្រើនជាង។
យន្តហោះ MH370 ដែលបានបាត់ខ្លួននៅថ្ងៃទី ៨មិនា ក្រោយពីបានហោះចេញពីក្រុងកូឡាឡាំពួរ បានបន្តិច។ មានផ្ទុកអ្នកដំណើរ២៣៩នាក់ យន្តហោះម៉ាឡេស៊ីដែលត្រូវហោះឆ្ពោះទៅកាន់ក្រុងប៉េកាំង ស្រាប់តែបង្វែរទិសមក ហោះបញ្ច្រាសសំដៅទិសខាងលិច បន្ទាប់មកចុះទៅទិសខាងត្បូង រួចក៏បានស្រមោលឈឹង។ ការស្វែងរកដែលបានប្រើមធ្យោបាយគ្រប់យ៉ាង គ្មានផ្តល់លទ្ធផលអ្វីសោះរហូតមកទល់នឹងម៉ោងនេះ។
មានសម្មតិកម្មជាច្រើនត្រូវបានយកមកពន្យល់អំពីការបាត់យន្តហោះនេះ ៖ ជាចេតនារបស់អ្នកបើកយន្តហោះទាំងពីរ មានការបង្វែរយន្តហោះក្នុងហេតុផលភេរវកម្ម ឬក៏យន្តការយន្តហោះមានបញ្ហា… បើតាមអ្នកទទួលខុសត្រូវផ្នែកអង្កេតការ សម្មតិកម្មដែលគួរឱ្យជឿជាក់ជាងគេគឺ ការធ្លាក់ចុះបរិមាណខ្សល់អ៊ុកស៊ីហ្សែនក្នុងយន្តហោះដែលបណ្តាលឱ្យក្រុមអ្នកបើកនិងអ្នកដំណើរសន្លប់ រួចយន្តហោះបន្តការហោះហើរដោយម៉ាស៊ីនបញ្ជាស្វ័យប្រវត្តិ រហូតទាល់តែអស់សាំង ទើបធ្លាក់បាត់។
មានចំណុចអាថ៌កំបាំងច្រើនទៀតណាស់ ដែលជាហេតុធ្វើឱ្យក្រុមគ្រូសារជនរងគ្រោះ ពិបាកទទួលយក។ គ្រួសារចិន ដែលតំណាងឱ្យមួយភាគបីនៃអ្នកដំណើរ បានអះអាងនៅថ្ងៃនេះថា អាជ្ញាធរចិនបានបង្ហាញយ៉ាងចំហភាពស្អប់ខ្ពើម និងមិនអើពើចំពោះគ្រួសាររងគ្រោះកាន់តែខ្លាំងឡើងៗ។ គ្រួសារខ្លះត្រូវបានប៉ូលិសវាយដំ ឬចាំយាមនៅមុខផ្ទះ មិនឱ្យបញ្ចេញសំឡេងផង។ ៦ខែក្រោយគ្រោះធ្លាក់យន្តហោះ ព័ត៌មានមានកាន់តែតិច សំណាងថានឹងបានដឹងមូលហេតុ កាន់តែខ្សោយ។ រដ្ឋាភិបាលចិនបានប្រកាសជាច្រើនលើកច្រើនសារ មិនចំណាយកម្លាំងដល់ការស្វែងរកយន្តហោះបាត់ឡើយ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ