ប្រជាពលរដ្ឋបុរីកីឡានៅមិនទាន់ជឿជាក់ដំណោះស្រាយតាមរយៈគណៈកម្មការចម្រុះ
ចុះផ្សាយនៅថ្ងៃ៖
ស្តាប់ - ០៩:១៣
វិវាទដីធ្លីដ៏រ៉ាំរ៉ៃអស់រយៈពេលជាង១០ឆ្នាំកន្លងទៅនេះនៅតំបន់បុរីកីឡា បានឈានមកដល់ដំណាក់កាលមួយ ដែលគ្រប់គ្នារំពឹងថានឹងមានច្រកចេញ ហើយអាចបញ្ចប់នូវការតវ៉ាដ៏អូសបន្លាយរបស់ប្រជាពលរដ្ឋចុងក្រោយជាង១០០គ្រួសារ។ ក្តីរំពឹងបានកើតឡើងបន្ទាប់ពីគណៈកម្មការចម្រុះមួយបានដំណើរការដែលមានការចូលរួមពីផ្នែកពាក់ព័ន្ធ រួមមានតំណាងសហគមន៍បុរីកីឡា អាជ្ញាធររាជធានី និងអង្គការក្រៅរដ្ឋាភិបាល។ បន្ទាប់ពីដំណើរការអស់មួយរយៈ គណៈកម្មការមួយនេះបានប្រកាសពីការវិវឌ្ឍន៍ចុងក្រោយនៃដំណោះស្រាយសម្រាប់ប្រជាពលរដ្ឋដែលនៅសេសសល់ ក្នុងបុរីកីឡា ព្រមទាំងបង្ហាញពីលទ្ធផលនៃការវាយតម្លៃបឋមផងដែរកាលពីម្សិលមិញ។
