រដ្ឋាភិបាលរៀបចំការវិលត្រឡប់មកប្រទេសថៃវិញរបស់ថាក់ស៊ីន
នៅថ្ងៃនេះ សង្គ្រាមប៉ាកកាបានផ្តើមកើតឡើងនៅទីក្រុងបាងកក ក្រោយពីសារព័ត៌មានក្នុងស្រុកបានផ្សព្វផ្សាយថា រដ្ឋាភិបាលរបស់លោកស្រីយីងឡាក់ បានអនុម័តក្រិត្យសុំឲ្យព្រះមហាក្សត្រថៃលើកលែងទោសដល់លោកអតីតនាយករដ្ឋមន្រ្តីថាក់ស៊ីន។ បើសិនជាវាទទួលបានការយល់ព្រមពីសំណាក់ព្រះចៅភូមិបុល ក្រិត្យនេះនឹងបើកផ្លូវឲ្យលោកថាក់ស៊ីនវិលចូលមកប្រទេសថៃវិញ។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:០៥
សម្រាប់សារព័ត៌មានក្នុងស្រុក ក្រិត្យលើកលែងទោសដល់លោកថាក់ស៊ីន ត្រូវបានតាក់តែងដោយរដ្ឋាភិបាល និងត្រូវបានអនុម័តកាលពីថ្ងៃអង្គារទី១៥វិច្ឆិកាម្សិលមិញ នាឱកាសកិច្ចប្រជុំគណៈរដ្ឋមន្ត្រី។
ក៏ប៉ុន្តែ លោកស្រីនាយករដ្ឋមន្រ្តីយីងឡាក់ ដែលត្រូវបានអ្នកកាសែតដេញដោលសួរកាលពីព្រឹកមិញ មិនបានច្រានចោលព័ត៌មានស្តីពីក្រិត្យលើកលែងទោសនេះឡើយ ហើយក៏មិនបានបញ្ជាក់ដែរថា វាជាព័ត៌មានពិត។
យោងទៅតាមសារព័ត៌មាន ក្រិត្យនោះនឹងត្រូវដាក់ឲ្យព្រះមហាក្សត្រភូមិបុល ពិនិត្យមើលនិងសម្រេច ឲ្យបានមុនថ្ងៃទី៥ធ្នូ ដែលជាថ្ងៃខួបគម្រប់៨៤វស្សារបស់ទ្រង់។
តាំងពីព្រឹកមិញមក បក្សប្រឆាំងបានសម្តែងនូវកំហឹងក្រេវក្រោធរបស់ខ្លួន និងបានចោទរដ្ឋាភិបាលលោកស្រីយីងឡាក់ថា មិនព្រមដោះស្រាយវិបត្តិទឹកជំនន់ ហើយបែរជាគិតគូរពីរឿងលើកលែងទោសឲ្យលោកថាក់ ស៊ីនទៅវិញ។
សូមរំឭកថា លោកថាក់ស៊ីនដែលសព្វថ្ងៃរស់នៅបរទេស ត្រូវបានតុលាការកាត់ទោសដោយកំបាំងមុខ ឲ្យជាប់ពន្ធនាគារពីរឆ្នាំ ក្នុងបទបានគៃបន្លំពន្ធដារ។ សម្រាប់បក្សប្រឆាំង លោកថាក់ស៊ីនជាអ្នកទាញខ្សែបង្ហៀររដ្ឋាភិបាលបច្ចុប្បន្នដែលដឹកនាំដោយលោកស្រីយីងឡាក់ដែលជាប្អូនស្រី៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ