តុលាការលើកបំរាមដែលហាមឃាត់លោក Musharraf ទៅក្រៅប្រទេស
តុលាការប៉ាគីស្ថាននៅថ្ងៃពុធ១៦មីនា បានបញ្ជាឲ្យលើកបំរាមដែលហាមឃាត់លោកPervez Musharrafអតីតប្រធានាធិបតីប៉ាគីស្ថានចេញទៅក្រៅប្រទេសដើម្បីធ្វើការព្យាបាលរោគ។ ការប្រកាសលើកបំរាមរបស់តុលាការនេះត្រូវបានព្រព្រឹត្តទៅនៅខណៈពេលដែលលោក Pervez Musharraf កំពុងរងការចោទប្រកាន់របស់តុលាការពីបទក្បត់ជាតិ។
ចុះផ្សាយនៅថ្ងៃ៖
ស្តាប់ - ០២:១១
លោកឧត្តមសេនីយ Pervez Musharraf ដែលបច្ចុប្បន្នអាយុ៧០ឆ្នាំ បានឡើងកាន់អំណាចនៅក្នុងប្រទេសដោយការធ្វើរដ្ឋប្រហារយោធានៅចុង ឆ្នាំ១៩៩៩។ បន្ទាប់ពីការលាលែងចេញពីតំណែងនៅរដូវក្តៅនាឆ្នាំ២០០៨ លោក Musharraf ត្រូវបានតុលាការប៉ាគីស្ថានចេញបំរាមហាមឃាត់ចេញក្រៅប្រទេស បន្ទាប់ពីលោកបានវិលចូលក្នុងប៉ាគីស្ថានវិញ នៅឆ្នាំ២០១៣ ក្រោយពីបាននិរទេសខ្លួនអស់រយៈពេល៥ឆ្នាំនៅក្រុងDubaï ប្រទេសÉmirats អារ៉ាប់រួមមក។
លោក Musharraf បាននិយាយបញ្ជាក់ថា លោកត្រូវការថ្នាំពេទ្យសម្រាប់ព្យាបាលរោគាគាត់ហើយថ្នាំនោះមិនមាន ទេនៅក្នុងប្រទេស។ គួររំលឹកថា ឈ្មោះអតីតប្រធានាធិបតីប៉ាគីស្ថាននេះ ត្រូវបានតុលាការកំពូលនៅខេត្តសហព័ន្ធប៉ាគីស្ថានមួយនៅ Sindh បានសម្រេចចិត្តដកឈ្មោះលោក ចេញពីបញ្ជីខ្មៅតាំងពីខែមិថុនាឆ្នាំ២០១៥។ រដ្ឋាភិបាលសហព័ន្ធនៅពេលនោះបានប្តឹងតវ៉ាទៅឧទ្ធរណ៍តែត្រូវបាន តុលាការកំពូលច្រានចោល។
សាលក្រមរបស់តុលាការប៉ាគីស្ថាននៅព្រឹកថ្ងៃពុធ១៦មីនា ត្រូវបានទទួលការអបអរសាទរពីសំណាក់មេធាវីរបស់លោក Musharraf ដោយបានអះអាងផងដែរថា “ចាប់ពីពេលនេះតទៅ លោក Musharraf អាចនឹងធ្វើដំណើរទៅក្រៅប្រទេសនៅពេលណាមួយក៏បានដែរ។ហើយចាប់ពីពេលនេះតទៅ លែងមានការហាមឃាត់ឬ ក៏មានឧបសគ្គអ្វីទៀតឡើយ។
ទោះជាយ៉ាងណាក្តី លោក Musharraf នៅតែត្រូវប្រឈមមុខនៅក្នុងសំណុំរឿង៤ផ្សេងទៀតនាអំឡុងឆ្នាំ២០០៧ ក្នុងនោះមានទី១ ការចោទប្រកាន់ពីបទក្បត់ជាតិដោយលោកបានប្រកាសដាក់ប្រទេសក្នុងភាពអាសន្ននាខណៈពេលលោកនៅកាន់អំណាច -ទី២ តួនាទីរបស់លោកនៅក្នុងឃាតកម្មអតីតនាយករដ្ឋមន្ត្រីលោកស្រីBénazir Bhutto-ទី៣ ការដកតំណែងក្រុមអ្នកចៅក្រមដោយខុសច្បាប់និងទី៤ ការវាយលុករបស់កងទ័ពប្រឆាំងទៅលើពួកអ៊ីស្លាមជ្រុលនិយមដែលលាក់ខ្លួនពួនសម្ងំនៅក្នុងព្រះវិហារអ៊ីស្លាមមួយនៅទីក្រុងអ៊ីស្លាម៉ាបាត ដែលបណ្តាលឲ្យស្លាប់មនុស្សយ៉ាងរង្គាល៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ