រឿងអាស្រូវពុករលួយប្រធានាធិបតីកូរ៉េខាងត្បូងរាលដាលដល់ការបំបែកបក្ស
តុលាការធម្មនុញ្ញកូរ៉េខាងត្បូងនឹងចាប់សិក្សាសំណុំរឿងទម្លាក់ប្រធានាធិបតី ប៉ាក់គុនហេ ដោយសាររឿងអាស្រូវពុករលួយ នៅថ្ងៃព្រហស្បតិ៍ស្អែកនេះហើយ។ ការធ្លាក់ចេញពីអំណាច ដែលពេលនេះ បានរាលដាល ចូលដំណាក់ទៀត គំរាមកំហែងដល់គណបក្ស និងដែលអាចធ្វើឱ្យគណបក្សនេះ មិនអាចវិលទៅកាន់អំណាចវិញបានឡើយ ទោះបីជាមានឥស្សរជនថ្មីមកឈ្មោះក៏ដោយ។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:៥៣
តុលាការធម្មនុញ្ញមានពេល១៨០ថ្ងៃ ក្នុងការអារកាត់សេចក្តី ព្រមព្រៀងតាម សេចក្តីសម្រេចចិត្តរបស់សភាទម្លាក់លោកស្រីប្រធានាធិបតី ប៉ាក់ គុនហេ កាលពីថ្ងៃទី ៩ ធ្នូ ឬក៏អត់។ ការបោះឆ្នោតប្រធានាធិបតីមុនកាលកំណត់អាចនឹងត្រូវរៀបចំឡើង នៅរវាង៦០ថ្ងៃ ក្នុងករណីចៅក្រមធម្មនុញ្ញបញ្ជាក់ការដកតំណែងលោកស្រីប៉ាក់គុនហេ។
ប៉ុន្តែពេលនេះ បក្សអភិរក្សកំពុងកាន់អំណាច ក៏កំពុងតែរង្គោះរង្គើបំផុត តាំងពីមានរឿងអាស្រូវពុករលួយប៉ះដល់លោកស្រី ប៉ាក់ គុនហេមក រហូតដល់ថ្នាក់មិនអាចយកជ័យជំនះ នៅក្នុងការបោះឆ្នោតខាងមុខផង។ សមាជិកសភាបក្សអភិរក្ស សែនុរី Saenuri ៣៥រូប ដែលប្រឆាំងនឹងលោកស្រី ប៉ាក់ គុនហេ បានប្រកាសបំបែកខ្លួនចេញនៅសប្តាហ៍ក្រោយ ដោយលើកហេតុផលថាមានរឿងអាស្រូវនិងវិបត្តិនយោបាយធំប៉ុណ្ណេះហើយ បក្សនៅមិនព្រមធ្វើកំណែទម្រង់ទៀត។
ភាពប្រេះឆាក្នុងបក្សយ៉ាងដូច្នេះ ពិតជាធ្វើបេក្ខភាពប្រធានាធិបតីថ្មី របស់បក្ស ដែលគ្រប់គ្នាកំពុងសំឡឹងផ្តោតទៅលើរូប លោក បាន គីមូន អគ្គលេខាធិការអង្គការសហប្រជាជាតិផុតអាណត្តិ ពិបាកនឹងការពារប្រយោជន៍បក្ស និងការពារកម្មវិធីនយោបាយបែបស្តាំកណ្តាលនិយម នៅក្នុងការបោះឆ្នោតប្រធានាធិបតីណាស់។
ប្រសិនបើពិតជាមានបំបែកខ្លួនចេញ នោះបក្សសែនុរី នឹងមានតែប្រមាណ៩០អាសនៈ ក្នុងចំណោមអាសនៈសរុប៣០០ នៅក្នុងសភា ពោលតិចជាងគណបក្សប្រជាធិបតេយ្យ ជាបក្សប្រឆាំងឆ្ងាយណាស់។ សមាជិកសភាបះបោរនេះ ធ្លាប់បានបញ្ចេញសំឡេងរួមរួបជាមួយបក្សប្រឆាំងក្នុងពេលបោះឆ្នោតទម្លាក់លោកស្រីបាក់ គុនហេ។
សូមបញ្ជាក់ថា លោកស្រីប៉ាក់ គុនហេ ប្រធានាធិបតីកូរ៉េខាងត្បូងប្រសូតចេញពីបក្សអភិរក្សសែនុរី បានជាប់សង្ស័យប្រលាក់ប្រលូសក្នុងរឿងអាស្រូវពុករលួយ រំលោភអំណាច ដោយបានផ្តល់ឯកសារផ្លូវការឱ្យមិត្តសម្លាញ់ គ្មានតួនាទីក្នុងរដ្ឋាភិបាល និងដោយគ្មានអនុញ្ញាត ដើម្បីបម្រើប្រយោជន៍ឯកជន៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ