ប៉ាគីស្ថានចាប់បើកដំណើរការរោងចក្រថាមពលនុយក្លេអ៊ែរជាលើកទីបួន
ប្រទេសប៉ាគីស្ថានកាលពីថ្ងៃពុធម្សិលមិញបានចាប់បើកដំណើរការរោងចក្រថាមពលនុយក្លេអ៊ែរលើកទីបួនរបស់ខ្លួនដែលនឹងអាចផ្គត់ផ្គង់ថាមពលអគ្គីសនីរហូតដល់៣៤០ មេហ្គាវ៉ាតនៅក្នុងកិច្ចសហការជាមួយប្រទេសចិនដើម្បីកាត់បន្ថយភាពខ្វះខាតថាមពលអគ្គីសនីដ៏រាំរ៉ៃនៅក្នុងប្រទេស។
ចុះផ្សាយនៅថ្ងៃ៖
ថ្លែងនៅនាឱកាសចាប់បើកដំណើរការមជ្ឈមណ្ឌលនុយក្លេអែរនេះ នាយករដ្ឋមន្ត្រីប៉ាគីស្ថាន លោក Nawaz Sharif បានថ្លែងបញ្ជាក់ថា«ថ្ងៃនេះ ប៉ាគីស្ថានបានឆ្លងកាត់តំណាក់កាលដ៏សំខាន់មួយ ដោយប៉ាគីស្ថានចាប់ពីអំណេះតទៅនឹងលែងខ្វះខាតថាមពលអគ្គីសនីបើ្រប្រាស់ដូចពីពេលមុនទៀតឡើយ។
ម៉ាស៊ីនប្រតិកម្មនុយក្លេអ៊ែរ Chashma-III ដែលមានទីតាំងស្ថិតនៅប្រហែលជា២៥០ គ.ម ភាគនិរតីនៃរដ្ឋធានី Islamabad ជាមជ្ឈមណ្ឌលទីបីដែលត្រូវបានកើតឡើងដោយការសហការគ្នារវាងគណៈកម្មការថាមពលបរិមាណូប៉ាគីស្ថាន (PAEC)និងសាជីវកម្មនុយក្លេអ៊ែរជាតិចិន (ក្រុមហ៊ុន CNNC) នេះ។
មាស៊ីនប្រតិកម្ម នុយក្លេអ៊ែរ Chashma ទី៤នឹងត្រូវ ដាក់ឲ្យដំណើរការចាប់ពីខែមេសាឆ្នាំ២០១៧ទៅ ចំណែកឯមាស៊ីនប្រតិកម្មនុយក្លេអ៊ែរពីរផ្សេងទៀតភាគកណ្តាលប្រទេសប៉ាគីស្ថានគេនៅពុំទាន់ដឹងថា នឹង ដាក់ ឲ្យ ដំណើរការនៅពេល ណានៅឡើយទេ បូករួមទាំងមជ្ឈមណ្ឌលនុយក្លេអ៊ែរ២ផ្សែងទៀតដែលស្ថិតនៅក្បែរក្រុងការ៉ាជីភាគខាងត្បូងប្រទេស។
ប្រទេសប៉ាគីស្ថានដែលមានរោងចក្រថាមពលនុយក្លេអ៊ែរលើកដំបូងដែលផ្គត់ផ្គង់ដោយប្រទេសកាណាដានៅឆ្នាំ១៩៧២ រំពឹងទុកថានឹងអាចផលិតថាមពលបរិមាណូបានចំនួន ៨៨០០មេហ្គាវ៉ាត់នៅឆ្នាំ២០៣០។
សូមបញ្ជាក់ថា ចិន បានបង្កើនការធ្វើវិនិយោគជាទ្វេរដងនៅប្រទេសប៉ាគីស្ថានក្នុងក្របខណ្ឌនៃគម្រោងមួយដែលមានទឹកប្រាក់ចំនួន ៤៦ ពាន់លានដុល្លារអាមេរិក ដើម្បីតភ្ជាប់ព្រំដែនភាគខាងលិចរបស់ចិនទៅនឹងកំពង់ផែប៉ាគីស្ថាននៅ Gwadar លើសមុទ្រអារ៉ាប់ប៊ី។ មិនតែប៉ុណ្ណោះ ចិន បានសន្យាថានឹងខិតខំបង្កើតហេដ្ឋារចនាសម្ព័ន្វឲ្យបានសម្បូរបែបទៀតផងនៅក្នុងប្រទេសប៉ាគីស្ថាន៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ