អាជ្ញាធរខេត្តកម្ពុជា-ថៃជួបប្រជុំពង្រឹងសន្តិសុខតាមបណ្តោយព្រំដែន
កិច្ចប្រជុំរវាងអាជ្ញាធរខេត្តជាប់ព្រំដែនកម្ពុជា-ថៃ បានធ្វើឡើងនៅថ្ងៃទី២៦មេសានេះបានចាប់ផ្តើមធ្វើឡើង នៅទីក្រុងភ្នំពេញនាព្រឹកថ្ងៃទី២៦មេសា។ កិច្ចប្រជុំនោះ ផ្ដោតសំខាន់លើការពង្រឹងសន្តិសុខនៅតាមបណ្ដោយព្រំដែនក្នុងខេត្តចំនួន ៨ របស់កម្ពុជារួមមាន៖ ខេត្តកោះកុង ព្រះសីហនុ ពោធិ៍សាត់ ប៉ៃលិន បន្ទាយមានជ័យ ឧត្តរមានជ័យ ព្រះវិហារ និងបាត់ដំបង។
ចុះផ្សាយនៅថ្ងៃ៖
កិច្ចប្រជុំនោះ ផ្ដោតសំខាន់លើការពង្រឹងសន្តិសុខនៅតាមបណ្ដោយព្រំដែន ក្នុងខេត្តចំនួន ៨ របស់កម្ពុជា រួមមាន៖ ខេត្តកោះកុង ព្រះសីហនុ ពោធិ៍សាត់ ប៉ៃលិន បន្ទាយមានជ័យ ឧត្តរមានជ័យ ព្រះវិហារ និងបាត់ដំបង។
កិច្ចប្រជុំក៏លើកឡើងពីការទប់ស្កាត់ការជួញដូរគ្រឿងញៀន ព្រមទាំងការជួញដូរមនុស្ស។ ក្នុងនោះ ករណីទាហានថៃ បាញ់សម្លាប់ពលរដ្ឋកម្ពុជា នៅជាយដែន ក៏ជារបៀបវារៈពិភាក្សា នាពេលនេះផងដែរ។ នេះបើតាមការឲ្យដឹងរបស់លោក សក់ សេដ្ឋា រដ្ឋលេខាធិការក្រសួងមហាផ្ទៃ។
លោកបញ្ជាក់ថា “កិច្ចប្រជុំអភិបាលខេត្តជាប់ព្រំដែនកម្ពុជា-ថៃ លើកទី៤ នាពេលនេះ យើងនិយាយពីការពង្រឹងការចេញចូល ឆ្លងកាត់ព្រំដែនរវាងប្រទេសទាំងពីរ ការដោះដូរទំនិញ និងកិច្ចសហប្រតិបត្តិការចងសម្ព័ន្ធមេត្រីភាពរវាងខេត្តនឹងខេត្ត និងការដោះស្រាយ ការទប់ស្កាត់បទល្មើសផ្សេងៗ ដូចជា ការទប់ស្កាត់ការជួញគ្រឿងញៀន ការជួញដូរមនុស្ស ស្ដ្រី និងកុមារ ជាដើម”។
ជាការកត់សម្គាល់ នៅថ្ងៃ២៧មេសាស្អែកនេះ អភិបាលខេត្តជាប់ព្រំដែនកម្ពុជា និងថៃ ក៏នឹងចូលរួមក្នុងកិច្ចប្រជុំពេញអង្គ ក្រោមវត្តមានរបស់រដ្ឋមន្ត្រីក្រសួងមហាផ្ទៃប្រទេសទាំងពីរ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ