លោក សុខ ពុទ្ធីវុធ៖ កម្ពុជាមិនអាចសម្រេចផែនការនាំចេញអង្ករឲ្យបាន១លានតោនត្រឹមឆ្នាំ២០១៥នោះទេ
ចុះផ្សាយនៅថ្ងៃ៖
ស្តាប់ - ១០:៥០
ភ្ញៀវប្រចាំថ្ងៃរបស់វិទ្យុបារាំងអន្តរជាតិ RFI នៅថ្ងៃនេះ គឺលោក សុខ ពុទ្ធីវុធ ប្រធានសហព័ន្ធស្រូវអង្ករកម្ពុជា និងជាប្រធានក្រុមហ៊ុននាំចេញអង្ករសោម៉ា។ នៅថ្ងៃនេះ សហព័ន្ធស្រូវអង្ករកម្ពុជា បានរៀបចំសិក្ខាសាលាមួយស្តីអំពីការសិក្សាទីផ្សារអន្តរជាតិរបស់អង្ករកម្ពុជា៖ លទ្ធផល និងអនុសាសន៍ ដែលរៀបចំដោយសហព័ន្ធស្រូវអង្ករកម្ពុជា សហការជាមួយ Agland Investment Services, Inc. នៅសណ្ឋាគារ SOFITEL ក្រុងភ្នំពេញ។ សិក្ខាសាលាដែលទើបតែបញ្ចប់ទៅនៅថ្ងៃនេះ គឺដើម្បីស្វែងរកយុទ្ធសាស្រ្តថ្មី ក្នុងការស្វះស្វែងរកទីផ្សារធំៗចំនួន៦បន្ថែមទៀត ខណៈដែលផែនការនាំចេញអង្កររបស់រដ្ឋាភិបាលនៅឆ្នាំ២០១៥ខាងមុខនេះ ទំនងជាមិនអាចទៅរួចនោះ។យ៉ាងណាក៍ដោយ លោក សុខ ពុទ្ធីវុធ បានទទូចអោយក្រុមហ៊ុននាំចេញអង្ករទាំងអស់ ត្រូវចងគ្នាជាចង្កឹះមួយបាច់ ដើម្បីអោយផែនការនាំចេញអង្ករ១លានតោនសំរេចបាន តែមិនមែននៅត្រឹមឆ្នាំ២០១៥ខាងមុខនេះទេ។
