លោកយឹម សុវណ្ណ៖ ការចាប់ខ្លួនសកម្មជនបក្សសង្គ្រោះជាតិ ជាបញ្ហាចាស់ ការគំរាមកំហែងថ្មី
ចុះផ្សាយនៅថ្ងៃ៖
ស្តាប់ - ០៨:០៤
ភ្ញៀវប្រចាំថ្ងៃរបស់វិទ្យុបារាំងអន្តរជាតិ RFI នៅថ្ងៃនេះ គឺលោកយឹម សុវណ្ណ អ្នកនាំពាក្យគណបក្សសង្គ្រោះជាតិ។ ឆ្លើយតបនឹងសំណួររបស់វិទ្យុបារាំងអន្តរជាតិ RFI លោកយឹម សុវណ្ណ បានចាត់ទុកសកម្មភាពនៃការចាប់ខ្លួនសកម្មជនគណបក្សសង្គ្រោះជាតិ ក៏ដូចជាសកម្មជនដីធ្លី និងព្រះសង្ឃដោយអាជ្ញាធររដ្ឋាភិបាលនាពេលថ្មីៗនេះ ថាគឺជារឿងនយោបាយ។ លោក យឹម សុវណ្ណ បានហៅរូបភាពនេះថា គឺជាការគំរាមកំហែងថ្មីមួយមកលើគណបក្ស ខណៈដែលកិច្ចចរចាស្តីពីការជ្រើសរើសប្រធានគណៈកម្មាធិការជាតិរៀបចំការបោះឆ្នោត (គ.ជ.ប) ថ្មី បានជាប់គាំង។ ប៉ុន្តែយ៉ាងណាក៏ដោយ បើតាមលោកយឹម សុវណ្ណ គណបក្សនឹងខិតខំស្វែងរកដំណោះស្រាយលើបញ្ហានេះ ដោយសន្តិវិធី ពោលគឺ ធ្វើយ៉ាងណាកុំឲ្យប៉ះពាល់ដល់ការកែទម្រង់ស្ថាប័នរៀបចំការបោះឆ្នោត គឺ គ.ជ.ប ។
