លោក ស៊ូប៊ែឌី ជួបប្រជាពលរដ្ឋមានជម្លោះដីធ្លីនៅខេត្ត កោះកុង
តាំងពីថ្ងៃសៅរ៍ម្សិលមិញ រហូតមកទល់ថ្ងៃអាទិត្យនេះ លោក សូរិយា ប្រាសាទ ស៊ូប៊ែឌី អ្នករាយការណ៍ពិសេសអង្គការសហប្រជាជាតិ ស្ដីពីស្ថានភាពសិទ្ធិមនុស្សនៅកម្ពុជា បានអញ្ជើញទៅខេត្តកោះកុង ដើម្បីស្វែងយល់ការពិត ពីសំណាក់ប្រជាពលរដ្ឋដែលមានជម្លោះដីធ្លីនៅទីនោះ។
ចុះផ្សាយនៅថ្ងៃ៖
លោក អ៊ិន គង់ជិត មន្ដ្រីសម្របសម្រួលអង្គការលីកាដូ ប្រចាំខេត្តកោះកុង បានមានប្រសាសន៍ប្រាប់វិទ្យុបារាំងអន្តរជាតិទៀតថា បេសកកម្មរបស់លោក ស៊ូប៊ែឌី ចាប់ផ្ដើមកាលពីម្សិលមិញ ដោយលោកបានអញ្ជើញទៅជួបប្រជាពលរដ្ឋដែលមានជម្លោះដីធ្លីជាមួយក្រុមហ៊ុនដាំអំពៅ នៅឃុំជីខលើ ស្រុកស្រែអំបិល ខេត្តកោះកុង។
សូមជម្រាបជូនថា បើតាមគម្រោង នៅថ្ងៃអាទិត្យនេះ លោក ស៊ូប៊ែឌី នឹងអញ្ជើញចុះជួបប្រជាពលរដ្ឋនៅភូមិតានូន ឃុំតានូន ស្រុកបុទុមសាគរ ខេត្តកោះកុង ដែលមានជម្លោះដីធ្លីជាមួយក្រុមហ៊ុនចិន Union Development Group នាពេលកន្លងមក៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ