បទយកការណ៍
ពលករថា ការបញ្ជួនពលករខ្មែរពីថៃ បង្ហាញភាពអាម៉ាសរបស់កម្ពុជា និងភាពទន់ខ្សោយនៃសេវាសាធារណៈរបស់រដ្ឋ
ចុះផ្សាយនៅថ្ងៃ៖
ស្តាប់ - ០៩:១៨
យ៉ាងហោចណាស់ មានពលករខ្មែរខុសច្បាប់ ជិត២០ម៉ឺននាក់ ដែលអាជ្ញាធរ ចាប់បញ្ជួនមកស្រុកវិញ តាមច្រកទ្វារអន្តរជាតិ ប៉ោយប៉ែត គិតមកដល់ព្រឹកថ្ងៃទី១៧មិថុនានេះ។ ពលរដ្ឋខ្មែរមានប្រុស មានស្រី ក្មេងចាស់ ត្រូវបានរថយន្តប៉ូលិសថៃ រថយន្តឈ្នួលថៃ ដឹកចេញពីទឹកដីរបស់គេ មកទម្លាក់នៅត្រង់រង្វង់មូលប៉ោយប៉ែត កន្លែងដែលអាជ្ញាធរកម្ពុជា ដុតដៃ ដុតជើង ជួយដល់ពលករខ្លួន។ ពលករសរសើរការជួយទុក្ខធុរៈ ដល់ពួកគាត់ ពីសមត្ថកិច្ច ប៉ុន្តែពួកគាត់ថា បើរដ្ឋាភិបាលកម្ពុជា គិតគូរពលករខ្លួន លឿនជាងនេះបន្តិច ម្ល៉េះកម្ពុជាមិនអាម៉ាសបែបនេះឡើយ។
