លោក យ៉ា ណាវុធ៖ «ពលករខ្មែររាប់ម៉ឺននាក់ បញ្ជូនមកពីថៃវិញ អាចជាបន្ទុក ឬជាសក្ដានុពល សម្រាប់រដ្ឋាភិបាលកម្ពុជា»
ចុះផ្សាយនៅថ្ងៃ៖
ស្តាប់ - ១៣:០៧
ភ្ញៀវប្រចំាថ្ងៃរបស់វិទ្យុបារំាងអន្តរជាតិនៅថ្ងៃអង្គារនេះ គឺលោក យ៉ា ណាវុធ នាយកប្រតិបត្តិអង្គការខារ៉ាម។ អង្គការខារ៉ាម ជាអង្គការក្រៅរដ្ឋាភិបាលមួយ ដែលជួយជ្រោមជ្រែង និងជួយការពារសិទ្ធិ របស់ពលករចំណាកស្រុក។ បើតាមលោកយ៉ា ណាវុធ ពលករខ្មែររាប់ម៉ឺននាក់ ដែលត្រូវអាជ្ញាធរថៃបញ្ជូនមកវិញ អាចជាបន្ទុក ឬជាសក្ដានុពលរបស់រដ្ឋាភិបាលកម្ពុជា។ ជាបន្ទុក ខណៈដែលកម្លាំងការងារដែលបង្កើត និងកម្លាំងការងារ ដែលកម្ពុជាត្រូវការក្នុងមួយឆ្នាំៗ មិនមានតុល្យភាពនឹងគ្នា។ ប៉ុន្តែប្រសិនបើរដ្ឋាភិបាល ចេះប្រើប្រាស់ជំនាញ ដែលពលករទាំងនោះមានស្រាប់ វានឹងក្លាយទៅជាសក្ដានុពលសម្រាប់កម្ពុជាទៅវិញ។