ព្រះរាជពិធីបុណ្យអុំទូក បីថ្ងៃ៖ អ្នកភ្នំពេញ ពិសេសកម្មកររោងចក្រកាត់ដេរ ចេញទៅតាមខេត្ត និងស្រុកកំណើត
បន្ទាប់ពីខកខានអស់ពេល ៣ឆ្នាំមកហើយនោះ ព្រះរាជពិធីបុណ្យអុំទូក បានប្រារព្ធធ្វើឡើងវិញ ដោយចាប់ផ្តើម នៅថ្ងៃពុធ ទី៥វិច្ឆិកានេះ។ ប៉ុន្តែអ្នករស់នៅភ្នំពេញ ពិសេសកម្មកររោងចក្រកាត់ដេរ បានធ្វើដំណើរចេញពីភ្នំពេញ ទៅកាន់បណ្តាខេត្តនានា និងទៅកាន់ស្រុកកំណើត។ យ៉ាងណាក៏ដោយ អ្នករស់នៅតាមខេត្តនានា បានចូលមកភ្នំពេញ ដើម្បីសាទរព្រះរាជពិធីបុណ្យអុំទូក នៅមុខព្រះបរមរាជវាំង។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:២៦
កម្មកររោងចក្រកាត់ដេរ បានយកឱកាសឈប់សម្រាក ពេលបុណ្យអុំទូក ទៅលេងផ្ទះតាមបណ្តាខេត្ត ព្រោះបានឈប់សម្រាកយូរថ្ងៃ រហូតដល់ថ្ងៃចន្ទ ទើបចូលធ្វើការវិញ។ ម្យ៉ាងទៀត ឪពុកម្តាយនៅឯខេត្ត រួមទាំងសាម៉ីខ្លួន ហាក់ដូចជាបាក់ស្បាតនឹងព្រឹត្តិការណ៍ជាន់គ្នាស្លាប់ នៅកោះពេជ្រ ក្នុងយប់បង្ហើយថ្ងៃបុណ្យអុំទូក កាលពីថ្ងៃទី២២វិច្ឆិកា ឆ្នាំ២០១០ ដូច្នេះឪពុកម្តាយទាំងនោះ បានទូរស័ព្ទហៅកូនទៅស្រុកកំណើត។ នេះបើតាមការបញ្ជាក់របស់លោក អាត់ ធន់ ប្រធានសហជីពកម្មករ ស៊ីខាវឌូ។
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ