បទសម្ភាស
លោក សៅ សុភាព៖ ការឡើងកំដៅនៅកម្ពុជា គឺពាក់ព័ន្ធនិងបញ្ហាអាកាសធាតុជាសកល
ចុះផ្សាយនៅថ្ងៃ៖
ស្តាប់ - ១៣:០៩
ភ្ញៀវប្រចាំថ្ងៃរបស់វិទ្យុបារាំង RFI នៅរាត្រីនេះ គឺលោកសៅ សុភាព អ្នកនាំពាក្យក្រសួងបរិស្ថាន។ នៅរាត្រីនេះ នឹងមានការប្រារព្ធទិវាមួយម៉ោងសម្រាប់ភពផែនដី នៅសកលវិទ្យាល័យភូមិន្ទភ្នំពេញ ចាប់ពីម៉ោង ៨កន្លះ ដល់ម៉ោង ៩កន្លះយប់។ កម្មវិធីនេះត្រូវបានធ្វើឡើងដើម្បីចូលរួមចំណែកការពារបរិស្ថាន ក៏ដូចជារក្សាកំដៅនៅលើភពផែនដីផងដែរ។ ឆ្លើយតបនិងសំណួររបស់វិទ្យុបារាំង លោកសៅ សុភាព បញ្ជាក់ថា ការឡើងកំដៅនៅកម្ពុជា មិនមែនមកពីការកាប់ព្រៃឈើ ឬក៏ការបំផ្លាញធនធានធម្មជាតិអីនោះទេ គឺវាជាបញ្ហាសកល ហើយក៏ជាបញ្ហាដែលពិភពលោកទាំងមូលកំពុងតែប្រឈម មិនមែនតែកម្ពុជានោះទេ៕
