ពិធីស្រង់ព្រះនៅតែមាន ក៏ប៉ុន្តែមិនបានអនុវត្តត្រឹមត្រូវដូចកាលពីជំនាន់មុនៗទេ
ចុះផ្សាយនៅថ្ងៃ៖
ស្តាប់ - ១០:២១
ចំហាយចូលឆ្នាំខ្មែរនៅមិនទាន់ផុតនៅឡើយមកទល់ថ្ងៃអាទិត្យនេះ ដោយនៅតាមតំបន់មួយចំនួនការលេងកម្សាន្តបានបន្តរហូតមួយសប្តាហ៍បន្ថែមទៀត បន្ទាប់ពីចូលឆ្នាំខ្មែរ។ អ្វីដែល ជាការកត់សម្គាល់នោះ គឺនៅថ្ងៃចុងក្រោយនៃពិធីបុណ្យចូលឆ្នាំខ្មែរ តាមទម្លាប់ប្រជាពលរដ្ឋខ្មែរ ដែលកាន់ព្រះពុទ្ធសាសនា តែងនាំគ្នាទៅវត្តដើម្បីស្រង់ព្រះ និងធ្វើពិធីតាមភូមិឬតាមផ្ទះ ដើម្បីជម្រះធូលីចេញពីបដិមាព្រះពុទ្ធអង្គនៅឯព្រះវិហារ និង ងូតទឹកសម្អាតកាយមាតាបិតា អ្នកមានគុណ សុំសេចក្តីសុខសេចក្តីចម្រើនពេលឈានចូលឆ្នាំថ្មី។ តែប្រពៃណីនេះត្រូវបានគេមើលឃើញថា មានការប្រតិបត្តិតិចតួច និងមានភាពខុសឆ្គងពីលំនាំដើម ដែលដូនតាពីជំនាន់មុន បាននាំគ្នាធ្វើប្រកបដោយការលើកស្ទួយខ្ពង់ខ្ពស់នៃវិស័យព្រះពុទ្ធសាសនា។
