ព្រោះម្តាយជាប់គុកដោយសារការងារសិទ្ធិមនុស្ស កូនស្រីពៅម្នាក់ត្រូវបង្ខំចិត្តធ្វើជាមេគ្រួសារទាំងវ័យក្មេង
ចុះផ្សាយនៅថ្ងៃ៖
ស្តាប់ - ០៨:១៣
លោកស្រីលឹម មុនី គឺសកម្មជនការពារសិទ្ធិមនុស្សម្នាក់ក្នុងចំណោមមន្ត្រីសិទ្ធិមនុស្សអាដហុក៤នាក់ដែលកំពុងជាប់ពន្ធនាគារព្រៃសដោយសារជាប់ពាក់ព័ន្ធក្នុងសំណុំរឿងអាស្រូវផ្លូវភេទរបស់អ្នកនយោបាយ។ គិតមកដល់ពេលនេះ គឺជាង៩ខែហើយដែលស្ត្រីវ័យ៦១ឆ្នាំរូបនេះបានស្ថិតនៅក្នុងបន្ទប់ចម្រឹងដែក។ កាលនៅក្រៅឃុំ គាត់គឺជាមេគ្រួសារមួយរូបដែលគ្រប់គ្រងសមាជិកទាំងអស់៦នាក់។ ប៉ុន្តែដោយសារតែត្រូវជាប់ឃុំព្រោះតែអនុវត្តការងារជាអ្នកការពារសិទ្ធិមនុស្សរបស់ខ្លួននេះ តួនាទីជាមេគ្រួសារត្រូវធ្លាក់ទៅលើកូនស្រីពៅរបស់គាត់។ ខុសពីកូនស្រីពៅដទៃដែលទទួលបានការថ្នាក់ថ្នម តែកូនស្រីពៅរូបនេះត្រូវរ៉ាប់រងការងារតូចធំគ្រប់ជំពូកនៅក្នុងគ្រួសារទាំងដែលនាងកំពុងតែសិក្សានៅថ្នាក់មហាវិទ្យាល័យផង។