សង្គមស៊ីវិលមិនពេញចិត្តការកំហិតសេរីភាពក្នុងការសម្តែងមតិនៅពេលមានការបោះឆ្នោត
ចុះផ្សាយនៅថ្ងៃ៖
ស្តាប់ - ១០:៥៥
គម្រោងបញ្ចូលបញ្ញត្តិនៃការបញ្ចេញមតិ របស់អង្គការសង្គមស៊ីវិលក្នុងអំឡុងពេលធ្វើការបោះឆ្នោត ដែលក្រុមចរចាគណបក្សប្រជាជនកម្ពុជានិងគណបក្សសង្គ្រោះជាតិបានលើកឡើងកាលពីថ្ងៃចន្ទ ទាក់ទងទៅនឹងសេចក្តីព្រាងច្បាប់ ស្តីពីការរៀបចំនិងការប្រព្រឹត្តទៅនៃ គណៈកម្មាធិការជាតិរៀបចំការបោះឆ្នោត បានធ្វើឲ្យបណ្តុំអង្គការសង្គមស៊ីវិលបញ្ចេញប្រតិកម្មកាលពីម្សិលមិញ។ ក្នុងចំណោមអង្គការសង្គមស៊ីវិលទាំងនោះ ភាគច្រើនបានបង្ហាញពីការព្រួយបារម្ភពីការបំបិទសិទ្ធិសេរីភាព ក្នុងការសម្តែងមតិដូចដែលពួកគេធ្លាប់ធ្វើក្នុងអំឡុងពេលមានការបោះឆ្នោតកន្លងមក។ ក៏ប៉ុន្តែមន្ត្រីតំណាងគណបក្សទាំងពីរបញ្ជាក់ថាមិនមានការបំបិទសិទ្ធិបញ្ចេញមតិនោះទេ គឺគ្រាន់តែកុំឲ្យមានការប្រមាថប៉ុណ្ណោះ។
