ទាំងសង្គមស៊ីវិល ទាំងមន្ត្រីបក្សប្រឆាំង សង្ឃឹមលើចំណាត់ការរបស់លោក ហ៊ុន សែន
ចុះផ្សាយនៅថ្ងៃ៖
ស្តាប់ - ១០:៣៩
បន្ទាប់ពីវិលត្រឡប់ពីប្រទេសបារាំង ទីដែលគណប្រតិភូខ្មែរបញ្ចប់ទស្សនៈកិច្ចជាផ្លូវរដ្ឋរយៈពេលបីថ្ងៃ លោកនាយករដ្ឋមន្ត្រី ហ៊ុន សែន បានថ្លែងបែបស្រងូតស្រងាត់តែមានលក្ខណៈ ម៉ឺងម៉ាត់ទាក់ទងទៅនឹងការប្រើអំពើហិង្សាទៅលើអ្នកតំណាងរាស្ត្រគណបក្សសង្គ្រោះជាតិពីររូបបណ្តាលឲ្យរងរបួសធ្ងន់ធ្ងរ។ សុន្ទរកថាដ៏កំរមានរយៈពេលតែជាង១០នាទីប៉ុណ្ណោះ ដែលចាក់ផ្សាយតាមកញ្ចក់ទូរទស្សន៍ជាតិកាលពីរាត្រីថ្ងៃពុធ ត្រូវគេមើលឃើញថាជាការចង់បង្ហាញ ភាពស្ងប់ស្ងាត់របស់លោកហ៊ុន សែន សម្រាប់ប្រទេសជាតិនិងប្រជាជន បន្ទាប់ពីភាពក្តុងក្តាំងតាមរយៈការធ្វើបាតុកម្មប្រឆាំងគ្នាទៅវិញទៅមកនៅចុងសប្តាហ៍មុននិងដើមសប្តាហ៍នេះ។
